امریکی صدر کی سعودی شاہ سلمان سے ٹیلی فون پر بات چیت
صدر بائیڈن نے ایک بار پھر امریکہ کی عالمی حقوق اور قوانین کی بالا دستی کی اہمیت پر ایک بار پھر زور دیا
امریکہ کے صدر جو بائیڈن نے سعودی شاہ سلمان بن عبد العزیز کے ساتھ فون پر گفتگو میں دوطرفہ تعلقات پر تبادلہ خیال کیا۔
وائٹ ہاؤس کے ایک تحریری بیان کے مطابق بائیڈن اور شاہ سلمان کی ٹیلی فونک بات چیت ہوئی ہے۔
اس بیان میں واضح کیا گیا ہے کہ دونوں رہنماؤں نے علاقائی سلامتی کے بارے میں تبادلہ خیال کیا ، یمن میں خانہ جنگی کے خاتمے کے لئے اقوام متحدہ اور امریکہ کی نئی سفارتی کوششیں اور سعودی عرب کے حملوں کے خلاف سعودی عرب کے تحفظ کے عزم اور ایرانی حمایت یافتہ گروہوں کے خلاف جدوجہد کا عندیہ دیا گیا۔
بیان کے مطابق امریکہ نے سعودی کارکنوں کی رہائی کا خیرمقدم کیا ہے۔
"صدر بائیڈن نے ایک بار پھر امریکہ کی عالمی حقوق اور قوانین کی بالا دستی کی اہمیت پر ایک بار پھر زور دیا۔
بائڈن نے شاہ سلمان کو عندیہ دیا ہے کہ وہ دو طرفہ تعلقات کو مضبوط اور شفاف بنانے کے لیے کام کریں گے ، جبکہ دونوں سربراہا ن نے مشترکہ مفادات اور خدشات ہونے والے معاملات پر مل جل کر کام کرنے پر مطابقت قائم کی ہے۔
دوسری جانب امریکی وزیر خارجہ انٹونی بلنکن نے بھی سعودی عرب کے وزیر خارجہ فیصل بن فرحان آل سعود سے ٹیلیفون پر بات چیت کی۔
اس بات چیت کے حوالے سے امریکی دفتر ِ خارجہ نے اپنے بیان میں کہا ہے کہ وزیر بلنکن اور فیصل بن فرحان الا سعود نے سودی عرب کے قانونی اور عدالتی اصلاحات سمیت حقوق انسانی کے معاملات میں پیش رفت اور سعودی عرب کے دفاع کے لیے مشترکہ کوششوں پر بات چیت کی ہے۔
اعلامیہ کے مطابق دونوں وزرا نے یمن میں جنگ کے خاتمے،خطے کی سلامتی، دہشت گردی کے خلاف جدوجہد اور اقتصادی ترقی جیسے معاملات پر بھی غور و خوض کیا ہے۔
متعللقہ خبریں
نائجیریا، ریاست قدونا میں ایک جتھے کے مسلح حملے میں 23 افراد جان بحق
اس دوران متعدد افراد کو اغوا کر لیا گیا جن میں سے کچھ فرار ہونے میں کامیاب ہو گئے
