ٹویٹر نے صدر ٹرمپ کی ویڈیو ڈیلیٹ کر دی

سوشل میڈیا پیج ٹویٹر نے امریکی راک گروپ لنکن پارک کی شکایت پر صدر ڈونلڈ ٹرمپ کی شئیر کی گئی ایک ویڈیو کو ڈیلیٹ کر دیا ہے۔

اطلاع کے مطابق کل صدر ٹرمپ کی طرف سے انتخابی مہم سے متعلق شئیر کردہ ویڈیو میں موسیقی گروپ لنکن پارک کے گانے "اِن دی اینڈ" کو اجازت کے بغیر استعمال کیا گیا تھا۔

گروپ نے کہا ہے کہ انہیں، ٹویٹر پر صدر ٹرمپ کی ری ٹویٹ کی گئی ویڈیو کا پتا ویڈیو پر صارفین کی تنقید کے بعد چلا جس کے بعد انہوں نے اس ناحق استعمال کو روکنے کا حکم جاری کروایا ہے۔

موسیقی گروپ نے جاری کردہ بیان میں کہا ہے کہ "لنکن پارک نہ تو ٹرمپ کی حمایت کرتا ہے اور نہ ہی کرے گا۔ ہم نے اپنی موسیقی کے کسی حصے کے استعمال کی بھی اجازت نہیں دی لہٰذا غیر قانونی استعمال کو روکنے کا فیصلہ جاری کروایا گیا ہے۔

مذکورہ ویڈیو کو سب سے پہلے وائٹ ہاوس کے سوشل میڈیا منیجر ڈین سکاوینو نے ٹویٹ کیا۔ ویڈیو، ٹرمپ کے اپنے حامیوں سے خطاب کے مناظر، اسمبلی کی تصاویر، فوجی طیاروں اور ان کے حریف جو بائڈن کی تصاویر پر مشتمل تھی۔