روسی عوام نے فیصلہ دے دیا،صدر پوتین2036 تک عہدے پر رہ سکیں گے

ولادیمیر پوتن کے اقتدار کو 2036 تک بڑھانے کے لیے متنازع آئینی ترامیم پر ہونے والے ریفرنڈم میں انہیں70 فیصد سے زائد ووٹ ملے ہیں

1447534
روسی عوام نے فیصلہ دے دیا،صدر پوتین2036 تک عہدے پر رہ سکیں گے

روس کے عوام نےولادیمیر پوتن کو2036 تک کا آئینی صدر منتخب کرلیا ہے۔

ولادیمیر پوتن کے اقتدار کو 2036 تک بڑھانے کے لیے متنازع آئینی ترامیم پر ہونے والے ریفرنڈم میں انہیں70 فیصد سے زائد ووٹ ملے ہیں۔

خبرکے مطابق، رائے دہی میں 73 فیصد افراد نے پوٹن کو صدارت کے عہدے پر فائز رہنے کی خواہش کا اظہار کیا ہے اور اب وہ2036 تک صدارت کے عہدے پر براجمان رہیں گے۔

انتخابی کمیشن کے حکام نے  رائے دہی ختم ہونے سے پانچ گھنٹے قبل ہی ولادیمیر پوتن کی فتح کا اعلان کر دیا تھا۔

 روس میں ریفرنڈم کا انعقاد اپریل میں ہونا تھا البتہ کورونا کی وجہ سے انتخابات بروقت ممکن نہ ہوسکے۔

 کمیشن کی جانب سے جاری ہونے والے حتمی اور سرکاری نتائج میں بتایا گیا ہے کہ ولادیمیر پوتن77٫92 فیصد ووٹ حاصل کرنے میں کامیاب رہے۔

ملک وبا کے باعث روس کی تاریخ میں پہلی بار رائے دہی  کا عمل ایک ہفتے تک جاری رہا اور عوام نے احتیاطی تدابیر کے ساتھ حق رائے دہی استعمال کیا۔

 واضح رہے کہ ولادیمیر پوتن کے مخالفین نے رائے دہی میں بے ضابطگیوں اور رائے دہندگان  پر دباؤ ڈالنے کا الزام عائد کیا ہے۔

مخالفین کا مؤقف تھا کہ صدر پوتین نے بڑے پیمانے پر ریاستی مشینری کا استعمال کر کے اپنے حق میں مہم چلوائی، اس کا مقصد وہ اپنے مرضی کے نتائج حاصل کرنا اور مخالفین کو مکمل طور پر ختم کرنا چاہتے تھے۔

یاد رہے کہ صدر پیوٹن نے رواں سال جنوری میں قوم سے خطاب کے دوران آئینی ترمیم میں تبدیلیاں کرنے کی تجویز پیش کی تھی جسے مخالف جماعتوں نے مسترد کردیا تھا۔

حکومت نے صدر کی تجویز پر ملک بھر میں ریفرنڈم کروانے کافیصلہ کیا۔



متعللقہ خبریں