پاکستان کو فنانشل ایکشن ٹاسک فورس کی گرے لسٹ سے باہر نکالنے یا نہ نکالنے کا فیصلہ آج ہوگا
ذرائع کے مطابق پاکستان کو بلیک لسٹ کیے جانے کا کوئی امکان نہیں ہے کیونکہ پاکستان نے ایف اے ٹی ایف کے ایکشن پلان کے زیادہ تر نکات پر عملدرآمد کر لیا ہے
فرانس کے دارالحکومت پیرس میں ہونے والے ایف اے ٹی ایف کے اجلاس کا آج آخری روز ہے جس میں پاکستان کو گرے لسٹ سے نکالنے یا نہ نکالنے کا فیصلہ کیا جائے گا۔
ذرائع کے مطابق پاکستان کو بلیک لسٹ کیے جانے کا کوئی امکان نہیں ہے کیونکہ پاکستان نے ایف اے ٹی ایف کے ایکشن پلان کے زیادہ تر نکات پر عملدرآمد کر لیا ہے۔
ایف اے ٹی یف کی جانب سے دی جانے والی سفارشات پر پاکستان نے کتنا عمل کیا ہے اس بات کا تعین کئے جانے کے بعد حکام کی جانب سے آج فیصلہ سنائے جانے کا امکان ہے۔
ایف اے ٹی ایف کے جائزہ اجلاس میں وفاقی وزیر اقتصادی امور حماد اظہر کی قیادت میں پاکستان کا 5 رکنی وفد شریک ہے۔
ذرائع کا کہنا ہے پاکستان نے 8 ماہ کے دوران ایف اے ٹی ایف کے اہداف پر بھرپور توجہ سے کام کیا ہے جس کے نتیجے میں پاکستان کا نام بلیک لسٹ میں جانے کے خدشات نہ ہونے کے برابر رہ گئے ہیں۔
برطانوی نشریاتی ادارے بی بی سی کے مطابق پاکستان کا نام گرے لسٹ میں برقرار رکھے جانے کا امکان ہے جس کے بعد اگلے سال فروری تک پاکستان کی جانب سے کیے جانے والے اقدامات پر کڑی نظر رکھی جائے گی جس کے بعد ایف اے ٹی ایف تعین کرے گا اِسے کس فہرست میں جگہ دی جائے۔
وزیرخارجہ شاہ محمود قریشی نے اس خدشے کا ظاہر کیا تھا کہ بھارت پاکستان کو بلیک لسٹ کی جانب دھکیلنے کی کوشش کر رہا ہے۔
انہوں نے کہا کہ پاکستان نے ایف اے ٹی ایف سے متعلق بنکاک میں اپنا نقطہ نظر پیش کیا اور ایشیا پیسفک گروپ کو اقدامات سے متعلق آگاہ کیا ۔ پاکستان ایف اے ٹی ایف کو مطمئن کرنے میں کافی حد تک کامیاب رہا ہے۔
متعللقہ خبریں
نائجیریا، ریاست قدونا میں ایک جتھے کے مسلح حملے میں 23 افراد جان بحق
اس دوران متعدد افراد کو اغوا کر لیا گیا جن میں سے کچھ فرار ہونے میں کامیاب ہو گئے