شمالی کوریا کے میزائل تجربے کے بعد امریکی وزیر خارجہ کی سفارتی سرگرمیاں

امریکی وزیر خارجہ مائیک پومپیو نے شمالی کوریا کی جانب سے سمندرِ جاپان کی جانب ایک سے زیادہ کم  فاصلے تک مار کرنے والے  میزائل کے تجربات کے بعد جنوبی کوریا اور جاپان کے وزراء خارجہ سے ٹیلی فون پر بات چیت کی ہے۔

 جنوبی کوریا کی وزارت خارجہ کی جانب سے جاری کردہ اعلان میں بتایا گیا ہے کہ شمالی کوریا کے  میزائل تجربے  کے بعد وزیر خارجہ کانگ کیونگ ۔وہا  اور مائیک پومپیو کے درمیان ٹیلی فون پر بات چیت میں اس صورتحال کا " محتاط طریقے سے" جائزہ لیے جانے  اور تحقیقات جاری ہونے کے وقت باہمی روابط میں رہنے  پر اتفاق کیا ہے۔

ادھر جاپانی دفتر خارجہ نے بھی اپنے اعلان میں کہا ہے کہ جاپانی وزیر خارجہ نے امریکی ہم منصب سے  شمالی کوریا کے تجربے کے بارے میں بات چیت کی ہے اور انہوں نے بھی اس معاملے پر تحقیقات سے ایک دوسرے کو آگاہی کرنے پر اتفاق کیا ہے ۔

دونوں وزراء نے اس معاملے میں جنوبی کوریا سے مکمل طور پر تعاون کرنے کا بھی اظہار کیا ہے۔