"امریکی فوج کی بے راہ روی "ہزاروں خواتین فوجیوں سے جبراً جنسی تعلقات کا انکشاف

امریکہ کی بری، بحری، فضائیہ اور مرین  فوج  میں سال 2018 کے دوران خواتین اہلکاروں کے ساتھ زبردستی ناجائز جنسی تعلقات قائم کرنے کے 20 ہزار 500 واقعات پیش آنے پر قائم مقام  وزیردفاع نے فوج میں جنسی ہراسگی کو "جرم"قرار دینے کا مطالبہ کردیا۔

خبر کے مطابق، حالیہ سروے میں انکشاف ہوا  ہے کہ گزشتہ  سال  امریکی مسلح افواج میں خاتون ساتھی کے ساتھ عدم رضامند پر مبنی جنسی تعلق قائم کرنے کے 20 ہزار 500 واقعات پیش آئے جبکہ سال 2016 میں ایسے واقعات کی تعداد 14 ہزار 900 ریکارڈ کی گئی تھی۔

رپورٹ تیار کرنے والے محققین نے بتایا کہ 85فیصد سے زائد واقعات میں متاثرہ فوجی خواتین کو اپنے حملہ آور کے بارے میں معلوم تھا اور بیشتر حملہ آوار ان کے افسران  بالا تھے۔

رپورٹ کا مزید کہنا ہے کہ  امریکی مسلح افواج کا حصہ بننے والی 17 سے 24  سال  کی خواتین ہلکار اپنے ہی ساتھی فوجیوں کے ہاتھوں جنسی ہراساں ہوئیں ہیں۔