جمہوریہ کانگو: پیٹرول سے بھرے ٹینکر اور ٹرک میں تصادم، کثیر تعداد میں افراد ہلاک اور زخمی
پیٹرول سے بھرے ٹینکر اور ٹرک میں تصادم کے نتیجے میں کم از کم 50 افراد ہلاک اور 100 سے زائد زخمی
جمہوریہ کانگو میں پیٹرول سے بھرے ٹینکر اور ٹرک کے تصادم سے ہونے والے دھماکے کے نتیجے میں کم از کم 50 افراد ہلاک ہو گئے ہیں۔
کانگو مرکزی صوبے کے عبوری گورنر 'آتو ماتوبوآنا 'کے مقامی پریس کے لئے جاری کردہ بیان کے مطابق دارالحکومت کنشاسا اور ملک کے مغربی علاقے ماتادی کے درمیان واقع گاوں مبوپا کے قریب پیٹرول سے بھرے ٹینکر اور ٹرک میں تصادم ہو گیا ہے۔
حادثے کے بعد ٹینکر اور ٹرک کے ڈرائیوروں کے درمیان بحث مباحثے کے دوران ٹینکر سے پیٹرول رسنا شروع ہو گیا اور اس کے بعد ہونے والے دھماکے میں 50 افراد ہلاک اور 100 سے زائد زخمی ہو گئے ہیں۔
زخمیوں کو قریبی ہسپتالوں میں منتقل کر دیا گیا ہے ۔
صوبائی حکام کے مطابق زخمیوں میں سے بعض کی حالت نازک ہونے کی وجہ سے ہلاکتوں کی تعداد میں اضافے کا خطرہ ظاہر کیا جا رہا ہے۔
متعللقہ خبریں
نائیجیریا: جیل ٹوٹ گئی قیدی فرار ہو گئے
نائیجیریا میں شدید بارشوں اور طوفان کی وجہ سے جیل کا ایک حصّہ منہدم ہونے کے بعد 119 قیدی فرار ہو گئے
