نائیجریا میں دو خودکش حملوں میں 26 افراد ہلاک

نائیجیریا کے شہر مُوبی کی ایک مسجد پر کیے گئے دوہرے خود کش بم حملوں میں کم از کم چھبیس افراد ہلاک ہو گئے ہیں۔

امدادی کارکنوں نے مرنے والوں کی تعداد ساٹھ سے زائد بتائی ہے۔ عینی شاہدین کے مطابق ہلاک شدگان میں کئی بچے بھی شامل ہیں۔

 پہلا خود کش حملہ اس مسجد پر بم دھماکے کی صورت میں کیا گیا۔ پھر کچھ ہی دیر بعد ایک دوسرے خود کش حملہ آور نے خود کو ایسے نمازیوں، مقامی تاجروں اور عام شہریوں کے ایک ہجوم کے عین وسط میں دھماکے سے اڑا دیا، جو اپنی جانیں بچانے کے لیے ایک قریبی جگہ پر جمع ہو گئے تھے۔ دہشت گرد تنظیم بوکو حرام ماضی میں مُوبی میں کئی بم حملے کر چکی ہے۔