واشنگٹن اور پیانگ یانگ انتظامیہ کے درمیان نئے سفارتی دور کے معاملے میں پیش رفت
صدر مون جائے اِن کے ساتھ مذاکرات میں شمالی کوریا کے ساتھ زیادہ رابطہ قائم کرنے کے لئے جنوبی کوریا کے ساتھ اتفاق رائے طے پا گیا ہے: مائیک پینس
![واشنگٹن اور پیانگ یانگ انتظامیہ کے درمیان نئے سفارتی دور کے معاملے میں پیش رفت](http://cdn.trt.net.tr/images/xlarge/rectangle/3030/3372/e5f7/5a8145970639d.jpg?time=1713868464)
امریکہ کے نائب صدر مائیک پینس نے کہا ہے کہ واشنگٹن انتظامیہ اور پیانگ یانگ انتظامیہ کے درمیان، پیشگی شرائط کے بغیر براہ راست مذاکرات کے ساتھ نتیجہ خیز ہو سکنے والے، نئے سفارتی دور کے معاملے میں حقیقی معنوں میں پیش رفت ہوئی ہے۔
روزنامہ واشنگٹن پوسٹ کی خبر کے مطابق پینس سرمائی اولمپکس کے سلسلے میں جنوبی کوریا کے دورے پر تھے جہاں انہوں نے صدر مون جائے اِن کے ساتھ شمالی کوریا کے موضوع پر دو اہم مذاکرات کئے۔
جنوبی کوریا سے واپسی پر پینس نے ائیر فورس ٹُو کے طیارے میں اخباری نمائندوں کے لئے خصوصی انٹرویو میں کہا کہ ان دو مذاکرات میں شمالی کوریا کے ساتھ زیادہ رابطہ قائم کرنے کے لئے جنوبی کوریا کے ساتھ اتفاق رائے طے پا گیا ہے۔
مائیک پینس نے کہا کہ نیا سفارتی مرحلہ دو پہلووں پر مبنی ہے ، ایک یہ کہ جوہری اسلحے کے خاتمے کے لئے کھلے اقدامات کرنے تک کِم یانگ اُن انتظامیہ پر عائد سخت پابندیاں ختم نہیں ہوں گی دوسری یہ کہ مطلوبہ بدل چکانے کے بعد اس کے متبادل شکل میں مذاکرات کی میز پر بیٹھا جا سکے گا۔
واضح رہے کہ پیانگ چانگ سرمائی اولمپکس کی افتتاحی تقریب میں شمالی کوریا کے صدر کِم یانگ اُن کی بہن کِم یو یانگ اور امریکہ کے نائب صدر مائیک پینس کا آگے پیچھے بیٹھنا مرکز توجہ بنا تھا۔
کِم یو یانگ نے تقریب میں مون جائے اِن کے ساتھ بھی ہاتھ ملایا تھا۔