امریکہ نےکیوبا کے 15سفارت کاروں کو ملک چھوڑنے کا حکم دے دیا
امریکی انتظامیہ نے حکومت کیوبا کو مطلع کر دیا ہے کہ واشنگٹن میں متعین کیوبا کے سفارت خانے کے 15 اہل کاروں کو ملک بدر کر دیا جائے گا
امریکی انتظامیہ نے حکومت کیوبا کو مطلع کر دیا ہے کہ واشنگٹن میں متعین کیوبا کے سفارت خانے کے 15 اہل کاروں کو ملک بدر کر دیا جائے گا۔
محکمہٴ خارجہ کے ایک اعلیٰ اہل کار نے گزشتہ روز اخباری نمائندوں کو بتایا کہ کیوبا کے سفارت کاروں کے پاس ملک چھوڑنے کے لیے 7 دن کا وقت ہے۔
یاد رہے کہ اس اعلان سے تقریباً ایک ہفتہ قبل امریکہ نے ہوانا میں اپنے سفارت کاروں کی تعداد کم کردی تھی جس کا سبب کیوبا میں امریکی اہل کاروں پر حملے کا پراسرار معاملہ تھا۔
دوسری جانب، امریکی وزیر خارجہ نے کہا کہ کیوبا کے ساتھ امریکہ کے سفارتی تعلقات بحال ہیں اور ان حملوں کی تفتیش کے سلسلے میں کیوبا کے ساتھ تعاون جاری رکھا جائے گا۔
محکمہٴ خارجہ کے اعلیٰ اہل کار نے مزید کہا کہ طبی بنیادوں پر ہوانا میں بیمار ہونے والے امریکی سفارت کاروں کی تعداد 21 سے بڑھ کر 22 ہو گئی ہے۔
دریں اثنا٫کیوبا کے وزیر خارجہ برونو روڈریگز نےکیوبا کے 15 سفارت کاروں کی ملک بدری کے واقعے کو غیر ذمہ دارانہ قرار دیا ہے۔