جی۔20 سربراہی اجلاس اختتامی اعلامیے کے ساتھ اختتام پذیر ہو گیا

دنیا کے ترقی یافتہ 20 ممالک کے سربراہان کا جرمنی کے شہر ہیمبرگ میں منعقدہ اجلاس اختتامی اعلامیے کے اعلان کے ساتھ اختتام پذیر ہو گیا ہے۔

اعلامیے میں تحفظ تجارت کے خلاف جدوجہد کے دوام، بین الاقوامی تجارت ، اقتصادی بڑھوتی ، غربت کے خاتمے، پیرس موسمیاتی تبدیلیوں کے سمجھوتے کے ساتھ تعاون ، افریقہ کے ساتھ تعاون، روزگار میں فروغ اور خواتین کے کردار کو تقویت دینے پر زور دیا گیا۔

اعلامیے میں مضبوط ، قابل تجدید، متوازن اور جامع بڑھوتی  سے تشکیل پانے والے جی۔20 سربراہی اجلاس کے درمیانی مدت کے اہداف کو آگے بڑھانے کو بڑے ترین اہداف قرار دیا گیا۔

سربراہان نے کہا ہے کہ "ہم نے دہشت گردی، گھر سے بے گھر ہونے ، مفلسی، بھوک اور صحت کے خطرات ، روزگار کی فراہمی، موسمیاتی تبدیلیوں ، توانائی کے تحفظ  اور مساوات سمیت گلوبل معاشرے کی بنیادی مشکلات پر غور کرنے کا فیصلہ کیا ہے اور ہم ترقی پذیر ممالک  سمیت دیگر ممالک کے ساتھ مل کر کام کرنا اور مشکلات کو حل کرنے کو جاری رکھیں گے۔

اعلامیے میں بڑھوتی کی توقعات کے امید افزا ہونے کے باوجود بڑھوتی کی رفتار کے توقع کے مطابق نہ ہونے کی طرف اشارہ کرتے ہوئے سربراہان نے بڑھوتی کی رفتار کو تیز کرنے اور زیریں رجحان  کے خطرات سے بچانے کے لئے بین الاقوامی اقتصادیات  اور مالی تعاون کے ساتھ وابستہ رہنے کا اعادہ کیا۔

اعلامیے میں فریقین نے ناحق تجارتی اطلاقات  سمیت تحفظ تجارت کے خلاف جدوجہد کے موضوع پر بھی اتفاق رائے کا اظہار کیا۔