امریکی وزارت خارجہ میں امسال افطاری کا اہتمام نہیں ہو گا
انادولو ایجنسی سے انٹرویو میں دفتر ِ خارجہ کے ایک اعلی افسر کا کہنا ہے کہ امسال رمضان کے پروگرام کے انعقاد کے حوالے سے تاحال کوئی قطعی فیصلہ نہیں کیا گیا
امریکی دفتر ِ خارجہ میں گزشتہ بیس برسوں سے منعقدہ ہونے والے افطار پروگرام کو امسال منائے جانے کی منصوبہ بندی نہیں کی جا رہی ۔
امریکی پریس کی جانب سے ناموں کو خفیہ رکھتے ہوئے دو امریکی حکام کے حوالے سے شائع کردہ خبروں میں اطلاع دی گئی ہے کہ وزارت خارجہ کے ماتحت کام کرنے والے شعبہ مذاہب و عالمی تعلقات نے گزشتہ بیس برسوں کی طرح اب کی بار بھی افطاری کے اہتمام کی تجویز پیش کی۔
تا ہم اس تجویز کو وزیر خارجہ ریکس ٹیلرسن نے مسترد کر دیا ہے۔
اس حوالے سے انادولو ایجنسی سے انٹرویو میں دفتر ِ خارجہ کے ایک اعلی افسر کا کہنا ہے کہ امسال رمضان کے پروگرام کے انعقاد کے حوالے سے تاحال کوئی قطعی فیصلہ نہیں کیا گیا۔
صدر ڈونلڈ ٹرمپ کے بر سر اقتدار آنے کے بعد سے امریکی وزارت خارجہ کا اس سے قبل کے ادوار کے مقابلے میں کہیں زیادہ غیر فعال کردار ادا کرنا باعث ِ توجہ ہے۔
اسی طرح ٹرمپ نے اس ادارے کے بجٹ میں بھی تحفیف کی ہے۔
