تۆرکمنیستان ایران ینگ اۆستی بیلن آذربایجانا ایبرن طبیغی گاز موقدارینی یوُقارلاتدی

تۆرکمنیستان ایران ینگ اۆستی بیلن آذربایجانا ایبریأن طبیغی گازی نینگ مؤچبِرینی 2 اِسسه یوُقارلاتدی.

ایران ینگ میللی گاز شرکتی نینگ یوُلباشچیلاریندان حسینعلی محمدحسینی "سوآپ شرطناماسی اساسیندا ایران ینگ اۆستی بیلن آذربایجانا اوغرادیلیان طبیغی گازینگ موقداری ایکی اِسسه آرتدی. ایلالاشیغا لاییقلیقدا ییللیق 2 میلیارد مکعب متره چنلی ماوی یانغیجینگ آذربایجانا ایبریلمه گی ایلالاشیلیپدی. سوُنگرا بو مؤچبری 200 گؤتِریم (%) یوُقارلاتماق بارادا ایلالاشیلدی" دیدی.

تۆرکمنیستان 2022-نجی ییلینگ باشیندان بأری ایران ینگ اۆستی بیلن آذربایجانا طبیغی گاز ایبریأر.

سوآپ ایلالاشیغینا گؤرأ ایران تۆرکمنیستان ینگ سرخس شهری آرقالی تۆرکمن گازینی آلیار و ایچرکی بازارینا بریأر، تۆرکمنیستان دان آلان طبیغی گازینگ اوُرنونا بوُلسا شوُل مؤچبردأکی گازی آذربایجان ینگ آستارا شهرینه ایبریأر.

شو ایلالاشیغا گؤرأ تۆرکمنیستان آذربایجانا طبیغی گازینی ساتیپ بیلیأر. ایران بوُلسا یوردونینگ گاز یاتاقلاریندان اوزاق‌داقی یرلرینی آماتلی یاغدایدا طبیغی گاز بیلن اۆپجۆن ادیپ بیلیأر.

تۆرکمنیستان 2022-نجی ییلدا سوآپ ایلالاشیغینا لاییقلیقدا ایران ینگ اۆستی بیلن آذربایجانا 110.8 میلیون دلارا بارابار بوُلان 858 میلیون مکعب متر طبیغی گاز ساتدی.