تۆرکیه ده فورال آییندا ۸۰ مۆنگ اؤی ساتیلدی

تۆرکیه ده فِورال آییندا ۸۰ مۆنگ ۳۱ اؤی ساتین آلیندی.

اؤتن ییلینگ فورال آیینا گؤرأ اؤی ساتوولاری 18 گؤتریم آزالدی.

اینگ کؤپ ساتیلان اؤی 14 مۆنگ 980 سانی بیلن ایستامبول ولایاتینا دگیشلی.

ایستامبول شوُل آی تۆرکیه ده ساتین آلینان اؤیلرینگ 18.7 گؤتریمینی اؤزۆنه دگیشلی اتدی.

آنکارادا دا فورال آییندا 8 مۆنگ 235 اؤی ساتیلدی.

ایزمیرده ساتیلان اؤیلرینگ سانی 5 مۆنگ 31.

یانوار- فورال آییندا (ایکی آیدا) تۆرکیه ده ساتیلان اؤی سانی 177 مۆنگ 739 بوُلدی.

فورال آییندا داشاری یورتلیلار دا تۆرکیه دن 3 مۆنگ 350 اؤی ساتین آلدی.

داشاری یورتلیلار اینگ کؤپ آنتالیادان اؤی ساتین آلدی.

فورال آییندا داشاری یورتلیلار آنتالیادان 1261 اؤی ساتین آلدی.

بو آیدا روسیانینگ یورتداشلاری تۆرکیه دن 1183 اؤی، ایرانلیلار 446 اؤی، عیراقلیلار 173 اؤی و اوکراینالیلار 142 اؤی ساتین آلدی.