تۆرکیه ده یۆورۆک قطارلار 14 ییلدا 72 میلیون یوُلاغچا حیذمات بردی

14 ییل موندان اوُزل آنکارا- اسکی شهیر آراسیندا تۆرکیأنینگ ایلکینجی یۆورۆک ترن دمیریوُلی ایشینه باشلاپدی

1959144
تۆرکیه ده یۆورۆک قطارلار 14 ییلدا 72 میلیون یوُلاغچا حیذمات بردی
YHT 2.jpg
YHT 3.jpg

 

تۆرکیه‌ده 14 ییل موندان اوُزال چالت یاغدایدا گیدیأن یۆورۆک اوُدلی‌لار (قطارلار) ایشینه باشلاپدی.

13-نجی مارت 2009-دا باشلان بو ترن ساپارلاریندا 14 ییلدان بأری 72 میلیون یوُلاغچی بو قطارلار بیلن یوُلاغچیلیق اتدی.

14 ییل موندان اوُزل آنکارا- اسکی شهیر آراسیندا تۆرکیأنینگ ایلکینجی یۆورۆک ترن دمیریوُلی ایشینه باشلاپدی.

آنکارا- قونیه یۆورۆک ترن دمیریوُلی دا 2011-نجی ییلدا آچیلیپدی.

قونیه- ایستامبول و آنکارا- ایستامبول یۆرۆک ترنی ده 2014-نجی ییلدا آچیلدی.

شیله لیک بیلن یۆورۆک ترن دمیریوُلی تۆرکیه ده 1241 کیلومتره یتدی.

2022-نجی ییلدا قونیه بیلن قارامان شهرلری نینگ آراسیندا 219 کیلومتر اوزینلیغینداقی یۆورۆک ترن دمیریوُلی دا آچیلدی.

شیله لیک بیلن تۆرکیأنینگ 8 شهری و یاشاییجیلاری نینگ 33 گؤتریمی یۆورۆک ترن دن پیدالانیپ بیلیأر.

بو دمیریوُللاری آنکارا- اسکی شهیر آراسینداقی 4 ساغاتلیق یوُلی 1.5 ساغادا یتیردی.

آنکارا- ایستامبول آراسینداقی 8 ساغاتلیق یوُل دا یۆورۆک ترن بیلن 4.5 ساغاتدا گیدیلیأر.

14 ییلدا آنکارا- اسکی شهیر حاطیندا 19 میلیون 833 مۆنگ یوُلاغچی یۆورۆک ترن بیلن یوُلاغچیلیق اتدی.

آنکارا- قونیه حاطی دا 18 میلیون 272 مۆنگ آدام تاراپیندان اولانیلدی.

23 میلیون 783 مۆنگ آدام دا ایستامبول بیلن آنکارانینگ آراسیندا یۆورۆک ترن بیلن یوُلاغچیلیق اتدی.

شو واغت آنکارا بیلن ایزمیرینگ آراسیندا دا یۆورۆک ترن ینگ دمیریوُلی قورولیار. بو پروژه قوتاراندا ایزمیر بیلن آنکارانینگ آراسیندا یوُلاغچیلیق 3.5 ساغادا دۆشۆریلر.

مرسین- عثمانیه- آدانا- غازی آنتپ یۆورۆک ترن دمیریوُل حاطی دا 2024-نجی ییلینگ آحیریندا ایشه باشلار.

شیله لیک بیلن تۆرکیأنینگ گۆن باتارینداقی ادیرنه دن یۆورۆک ترن بیلن غازی آنتپ شهرینه گیدیلیپ بوُلار.

آنکارا- سیواس یۆورۆک ترن پروژه سی ده قیسغا واغتدا آچیلار.



دِگیشلی حابارلار