أردوُغان عبدالحمیدخان سونداژ گأمیسینه بادالغا بردی

تۆرکیأنینگ جمهورباشلیغی رجب طیب أردوُغان آق دنگیزدأکی سونداژ ایشلری حاقیندا،

"آق دنگیزده ادیأن سونداژ ایشلریمیز اؤزایغتیارلیلیغیمیزینگ چأگینده‌دیر. مونونگ اۆچین هیچ کیمدن روغصات آلماغا أتیأجیمیز یوُق" دیدی.

أردوُغان مرسین شهری نینگ تاش اوجو اسکله سینده عبدالحمیدخان سونداژ گأمیسینی ایلکینجی وظیپه آلیپ بارجاق یرینه ایبریلیأن دابارا قاتناشدی.

تۆرک یوُلباشچی بو یرده،

"عبدالحمیدخان گأمیمیز تۆرکیأنینگ انرژی پوداغینداقی تأزه گؤزیتیمی نینگ سمبولیدیر. 4 سونداژ گأمیمیز و 2 سیسمیک بارلاغ گأمیمیز بیلن موندان بیلأک بیز ده بو پوداقدا ایشجنگ یاغدایدا ایشه دوُوام ادیأریس" دیدی.

قارادنگیزینگ طبیغی گازینی گلجک ییل میللتینگ حیذماتینا برمه‌ک باراداقی پلانینی دا یاتلادان أردوُغان،

"قارادنگیزینگ طبیغی گازی نینگ ایلکینجی اِتابی اۆچین 10 قویوداقی ایشلری بیتیریپ طبیغی گازی 2023-نجی ییلیندا میللتیمیزینگ حیذماتینا یتیرمه گی میلله‌شدیریأریس" دیدی.

أردوُغان آق دنگیزده آلیپ باریلجاق سونداژ ایشلری حاقیندا دا،

"آق دنگیزده آلیپ باریان بارلاغ و سونداژ ایشلریمیز بیزینگ اؤزایغتیارلیلیق چأکلریمیزده دیر. مونونگ اۆچین هیچ کیمدن روغصات آلماغا مأتأچ دألدیرس" دیدی.

تۆرکیأنینگ جمهورباشلیغی،

"عبدالحمیدخان گأمیمیزی (غازی پاشانینگ) 55 کیلومتر داشینداقی یؤرۆکلر- 1 قویوسینا ایبریأریس. یؤرۆکلر- 1 قویوسی گۆن دوُغار آق دنگیزدأکی ایش پلانیمیزینگ بیرینجی آیاغیدیر" دیدی.