عبدالجلال ایری: اِسِن‌قولی- کۆمۆش‌دپه سرحت گِچِلگِه‌سی آچیلار

کۆمۆش دپه سرحِت گِچِلگه‌سی نینگ آچیلماغی هم گۆلیستان ولایاتی هم ده کۆمۆش دپه شهری نینگ اؤسۆشینه قوُشانت قوُشار

1850797
عبدالجلال ایری: اِسِن‌قولی- کۆمۆش‌دپه سرحت گِچِلگِه‌سی آچیلار

ایران ینگ پارلمانی نینگ بندر تۆرکمن، کۆمۆش دپه، کۆرت‌کۆی و بندرگز وکیلی عبدالجلال ایری تۆرکمنیستان بیلن ایران ینگ کۆمۆش‌دپه- اِسِن‌قولی سرحت گچِلگِه‌سی نینگ آچیلماغی باراسیندا ایلالاشاندیقلارینی آیتدی.

ایران ینگ دیپلماتیک توُپاری بیلن آشغابات دا بوُلان و حازار کنفرانسینا قاتناشان ایری ایکی یوردونگ جمهورباشلیقلاری نینگ اسن‌قولی- کۆمۆش‌دپه سرحدی نینگ آچیلماغی باراسیندا ایلالاشاندیقلارینی بیلدیردی.

عبدالجلال ایری ایکی یوردونگ سؤودا- تیجارت و ایقدیصادی قاتناشیقلاری نینگ اؤسدۆریلمه‌گی اۆچین ایران ینگ اؤنۆملری سرگیسی نینگ آشغابات‌دا آچیلجاقدیغینی دا سؤزلرینه قوُشدی.

بندر تۆرکمنلی وکیل، ایران ینگ یورتداشلارینا ویزا اولغامیندا ینگیللیک گتیریلمه‌گی باراسیندا دا تۆرکمنیستانلی تاراپ بیلن گپله‌شیک گچیریلندیگینی آیتدی و تۆرکمنیستانلی تاراپینگ بو مسئلأ اۆنس برجکدیگینی آیداندیغینی بیلدیردی.

کۆمۆش دپه اوزاق واغتلاپ حازار دنگیزی نینگ اینگ أهمیتلی شهرلریندن بیری بوُلوپدی.

شوروی نینگ دؤورۆنده سرحتلرینگ برکیدیلمه‌گی بیلن بیله‌لیکده بو شهر چیقالغاسیز یاغدایا گلیپدی.

ایران ینگ گۆلیستان ولایاتی بیلن تۆرکمنیستان ینگ سرحت آراچأگینده اینچه بورون گِچِلگه‌سی بار.

کۆمۆش دپه سرحِت گِچِلگه‌سی نینگ آچیلماغی هم گۆلیستان ولایاتی هم ده کۆمۆش دپه شهری نینگ اؤسۆشینه قوُشانت قوُشار.

کۆمۆش دپه ایران‌ینگ قازاغیستان ینگ مانگ‌قشلاق (مۆنگ قشلاق) بؤلگه‌سی و آق تاو شهرینه اینگ یاقین قوری یر یوُلی بوُلان شهر.

 



دِگیشلی حابارلار