أردوُغان: تۆرکیأنینگ داشاساتوو موقدارینی 243 میلیارد دلارا یتیردیک

تۆرکیأنینگ جمهورباشلیغی رجب طیب أردوُغان تۆرکیأنینگ داشاساتوو موقدارینی 243 میلیارد دلارا یوُقارلادیپ بیلندیکلرینی آیتدی و داشاساتووینگ هر آی یوُقارلایاندیغینی بیلدیردی.

أردوغان ایستامبول دا خلیج کنگره مرکزینده تۆرکیأنینگ داشاساتووچیلار مجلیسی نینگ 29-نجی عمومی اوُتورشیغینا قاتناشدی و داشاساتووچیلارا بایراق داباراسیندا چیقیش اتدی.

تۆرک یوُلباشچی "ان شاءالله داشاساتوو موقداریمیزی هر آی یوُقارلاداریس. 217 یورت و بؤلگأ ادن داشاساتوویمیز بیلن هر یرده بایداغی پاسیردایان یورت یاغدایینا گلدیک" دیدی.

تۆرکیأنینگ 2022-نجی ییلینگ ایلکینجی چأریِگیندأکی ایقدیصادی اؤسۆشی نینگ یاریسی نینگ داشاساتوو بیلن بوُلاندیغینی آیدان أردوُغان،

"بو یاغدای یوردومیزینگ مایاقوُیوم، ایش اۆپجۆنچیلیگی، اؤندۆریش، داشاساتوو و بودجه آرتیقماجی و ایقدیصادی اؤسۆش تایدان ماقصادیمیزا دوُغری ایناملی أدیم أدیأندیگینی گؤرکِزیأر" دیدی.

تۆرکیأنینگ ترورچیلیق بیلن گؤره‌ش مسئله‌سینده ده اۆستۆنلیکلرینه اۆنس چکن رجب طیب أردوُغان،

"آیرالیقچی ترور قوراماسی پ. ک. ک اینگ آغیر ضاربانی اوردوق. یوردومیزی قاباماق اۆچین ادیلن تاغاللالاری پوجا چیقاردیق. سرحدیمیزینگ داشیندا بیزی بینجالیق اتجک کیم بار بوُلسا اوُلارینگ دا ایشینی گؤرمأکه طایاردیرس دیدیک. شو واغت عیراق دا دوُوام ادیأن پنچه- کیلیت حرکتلریمیز بیلن ترورچیلارینگ هینلرینه گیرمأگه دوُوام ادیأریس" دیدی.