الکتریک بیلن ایشله‌یأن اولاغ ساتووی یوُقارلادی

2021-نجی ییلدا الکتریک توُغی بیلن ایشله‌یأن اولاغ (اتومبیل) ساتوویندا رکوُرد قوُیولدی.

دۆنیأده الکتریکلی اولاغلارینگ بازاری 10 ییلدا 41 اِسسه یوُقارلادی.

دۆنیأده الکتریک توُغی بیلن ایشله یأن اولاغلار بازارینگ 8.3 گؤتریمینی اؤزۆنه دِگیشلی اتدی.

اؤتن ییل الکتریکلی اولاغ ساتووی 2020-نجی ییلا گؤرأ 108 گؤتریم یوُقارلادی و 6 میلیون 750 مۆنگ سانینا یتدی.

دۆنیأده فسیل یانغیچ بیله ایشله یأن اولاغلارینگ سانینی آزالتماق اۆچین تاغاللا ادیلیأر.

2012-نجی ییلدا الکتریکلی اولاغلارینگ ساتووی بۆتین اولاغلارینگ 0.2 گؤتریمینی اؤزۆنه دگیشلی ادیأردی.

بو موقدار اؤتن ییل رکورد قوُیدی و 8.3 گؤتریمه یتدی.

دینگه حیتای دا اؤتن ییل 3.4 میلیون الکتریکلی اولاغ ساتیلدی.

2021-نجی ییلدا اوروپادا دا 2.3 میلیون الکتریکلی اولاغ ساتیلدی.

آمریکادا 735 مۆنگ الکتریکلی اولاغ ساتیلدی.

گۆن اوُرتا کره ده ده 2021-نجی ییلدا 114 مۆنگ 500 سانی الکتریکلی اتومبیل ساتیلدی.

ایسرائیل، استرالیا، هیندیستان و ژاپن دا ساتیلان الکتریکلی ماشین سانی 10 مۆنگدن کؤپ بوُلدی.

شو واغت دۆنیأده 16 میلیوندان کؤپ الکتریک توُغی بیلن ایشله یأن ماشین بار.

تسلا شرکتی اؤتن ییل 936 مۆنگ الکتریکلی اولاغ اؤندۆریپ دۆنیأده بیرینجی بوُلوپدی.

اؤتن ییل فولکس واگن 763 مۆنگ الکتریکلی اولاغ اؤندۆریپ دۆنیأده ایکینجی شرکت بوُلوپدی.