تۆرکیأنینگ الکتریک اؤنۆم پتانسیلی 100 مۆنگ مگاوات‌دان گچدی

تۆرکیه ده الکتریک اؤنۆم دسگالاری نینگ الکتریک اؤنۆم پتانسیلی 100 مۆنگ مگاوات ساغاتدان گچدی.

تۆرکیه دۆنیأنینگ اینگ کؤپ الکتریک اؤنۆم پتانسیلینه ایه 14-نجی یورت.

سوُنگقی 4 ییلدا تۆرکیأنینگ الکتریک پوداغینداقی مایاقوُیوملارینگ 86 گؤتریمی داشقی قورشاوا ضلل برمه‌یأن پوداقلاردا بوُلدی.

2002-نجی ییلدا تۆرکیأنینگ پتانسیل الکتریک اؤندۆرمه گۆیجی 32 مۆنگ مگاوات‌دی.

2022-نجی ییلینگ مارت آیی نینگ آحیریندا بو موقدار 100 مۆنگ 334 مگاواتا یتدی.

تۆرکیأنینگ شو واغتقی پتانسیل الکتریک اؤنۆمچیلیگی نینگ 31 مۆنگ 508 مگاواتی هیدروالکتریک مرکزلردن اۆپجۆن ادیلیأر.

25 مۆنگ 458 مگاوات الکتریک ده طبیغی گاز بیلن ایشله یأن مرکزلرده اؤندۆریلیأر.

شو واغتقی الکتریک اؤنۆمی نینگ 54 گؤتریمی داشقی قورشاوا ضلل برمه یأن پوداقلاردان.

11 مۆنگ 388 مگاوات الکتریک تۆرکیه دأکی ماغدانلاردان چیقاریلیان کؤمۆر بیلن اۆپجۆن ادیلیأر.

8 مۆنگ مگاوات الکتریک ده گۆنش انرژیسی بیلن اؤندۆریلیأر.

دۆنیأده اینگ کؤپ الکتریک انرژیسی اؤندۆریأن یورت حیتای.

حیتای 2023.6 مگاوات الکتریک اؤندۆریأر.

آمریکا 1122.3 مگاوات الکتریک بیلن دۆنیأده ایکینجی.

هیندیستان 425.9 مگاوات بیلن اۆچۆنجی، ژاپن 322.6 مگاوات بیلن دؤردۆنجی و روسیا 275.2 مگاوات بیلن 5-نجی اۆلکه.