قازاغیستان بوغدای یینگ داشاری یورتلارا ساتیلماغینا چأکلندیرمه گتیردی
قازاغیستان ییلدا 3 میلیون تن بوغدای اؤندۆریأر
قازاغیستان، 15-نجی آپریل دان باشلاپ داشاری یورتلارا ساتیلجاق بوغدای و اون اۆچین چأکلندیرمه گتیریأر.
شونگا گؤرأ قازاغیستان ینگ اکرانچیلیق وزیری نینگ اوُرونباساری آیداربک ساپاروف قازاغیستان ینگ اؤز أتیأچلرینی اۆپجۆن اتمهک اۆچین داشاری یورتلارا ساتیلجاق بوغدای یینگ چأکلی بوُلجاقدیغینی حابار بردی.
شیله لیک بیلن 15-نجی آپریل- 15-نجی ژوئن آرالیغیندا داشاری یورتلارا اینگ کؤپ 1 میلیون تن بوغدای و 300 مۆنگ تن اون ساتیلیپ بیلینر.
قازاغیستان ییلدا 3 میلیون تن بوغدای اؤندۆریأر.
بو یورت 1.5 میلیون تن بوغدایی داشاری یورتلارا ساتیاردی.
بۆتین دۆنیأ ایمیت قوراماسی (فائو) و بۆتین دۆنیأ بانکی مارت آییندا دۆنیأده بوغدای یینگ قیممات باهاسی نینگ 19.7 گؤتریم یوُقارلاندیغینی بیلدیردی.
روسیانینگ اوکراینا قارشی باشلادان ساواشیندان سوُنگرا بوغدای اۆپجۆنچیلیگی نینگ قین یاغدایا دۆشجکدیگی حابار بریلیأر.
شوُل ساواش سبأپلی 35 یورت بوغدایینگ داشاری یورتلارا ساتووینا چأکلندیرمه گتیردی.
دِگیشلی حابارلار
تۆرکیه ده الکتریکلی اولاغ ساتووی اؤتن ییل ۸ اِسسِه یوُقارلادی
تۆرکیه ده الکتریکلی ماشین ساتووی توُگ اولاغی نینگ اؤندۆریلمأگه باشلانان گۆنۆندن بأری یوُقارلایار