تۆرکیأنینگ صناغاتی‌نینگ اۆچ آیلیق داشاساتوو موقداری 45.2 میلیارد دلاردان گچدی
صناغات پوداغی تۆرکیأنینگ داشاساتووی نینگ 75.1 گؤتریمینی اؤزۆنه دگیشلی اتدی
تۆرکیأنینگ صناغات پوداغی 2022-نجی ییلینگ اۆچ آیلیق دؤورۆنده داشاری یورتلارا 45 میلیارد 247 میلیون دلار اؤنۆم ساتدی.
شو ییلینگ یانوار- مارت آرالیغیندا صناغات پوداغینداقی داشاساتوو موقداری 2021-نجی ییلینگ شوُل اۆچ آیینا گؤرأ 21.8 گؤتریم یوُقارلادی.
صناغات پوداغی تۆرکیأنینگ داشاساتووی نینگ 75.1 گؤتریمینی اؤزۆنه دگیشلی اتدی.
تۆرکیأنینگ 3 آیداقی داشاساتوو موقدی دوُقماچیلیق پوداغیندا 2 میلیارد 650 میلیون دلار، طایار گِییم کؤینک پوداغیندا 5 میلیارد 458 میلیون دلار، شیمیایی ماددالار پوداغیندا 7 میلیارد 510 میلیون دلار، دِری و دری اؤنۆملری پوداغیندا 502 میلیون 962 مۆنگ دلار، الکتریک الکترونیک پوداغیندا 3 میلیارد 528 میلیون دلار، صناغات دِسگالاری پوداغیندا 2 میلیارد 439 میلیون دلار، دمیر و بیله‌کی متال اؤنۆملر پوداغیندا 3 میلیارد 810 میلیون دلار، پوُلات پوداغیندا 5 میلیارد 694 میلیون دلار، سمنت، شۆیشه و سرامیک پوداغیندا 1 میلیارد 297 میلیون دلار، جواهر پوداغیندا 1 میلیارد 283 میلیون دلار، قوُرانماق و هوُواچیلیق پوداغیندا 961 میلیون 73 مۆنگ دلار، اقلیم صناغاتی پوداغیندا 1 میلیارد 613 میلیون دلارا یتدی.
تۆرکیه صناغات اؤنۆملرینی اینگ کؤپ اوروپا یورتلارینا ساتدی.
