تۆرکیه دۆنیأنینگ بیرینجی اینجیر و پیندیق اؤندۆریأن یوردی
تۆرکیه اؤتن ییل 205 یوردا 1982 دۆرلی اکرانچیلیق اؤنۆمینی ساتیپ 20.7 میلیارد دلار قازانیپدی
تۆرکیه دۆنیأده اینگ کؤپ پیندیق، اینجیر، اریک و خشخاش اؤندۆریأن اۆلکه.
تۆرکیأنینگ اکرانچیلیق و توُقایلار وزیرلیگی نینگ برن ماغلوماتینا گؤرأ اکرانچیلیق پوداغیندا تۆرکیه سوُنگقی 10 ییلدا اوروپانینگ بیرینجی یوردی.
2005- 2019 ییللاری آراسیندا اکرانچیلیق پوداغیندا اوروپادا بیرینجی اۆلکه بوُلان تۆرکیه دۆنیأده 7-نجی اوُرونا ایه.
تۆرکیه ده اکرانچیلیق پوداغی اؤتن ییل 2019-نجی ییلا گؤرأ 20 گؤتریم (333.3 میلیارد لیرا) اؤسدی و تۆرکیأنینگ چمهوریت تاریحی نینگ رکوُردینی قوُیدی.
اکرانچیلیق اؤنۆمی اؤتن ییل کروناویروس یوُقانچ کسلی نینگ برن ضلللرینه قارامازدان 7.6 گؤتریم یوُقارلادی و 126 میلیون 100 مۆنگ تن دان گچدی.
تۆرکیه پیدنیق، گیلاس، اینجیر، اریک، به و خشخاش اؤندۆرمهکده دۆنیأده بیرینجی یورت.
قاوون، قارپیز، آلبالی، خیار، گچی بوُینوزی و نخود اؤندۆرمه کده بوُلسا تۆرکیه دۆنیأده ایکینجی اوُرونا ایه.
نارنگی، آلما حاصیلیندا تۆرکیه اۆچۆنجی یورت.
تۆرکیه بوغدای اونی داشاساتوویندا بوُلسا دۆنیأده بیرینجی اۆلکه، ماکارونی ساتوویندا دۆنیأده ایکینجی، میوه اؤنۆمچیلیگینده دۆنیأده 5-نجی و اؤسۆملیکلر پوداغیندا دۆنیأده دؤردۆنجی یورت.
تۆرکیه اؤتن ییل 205 یوردا 1982 دۆرلی اکرانچیلیق اؤنۆمینی ساتیپ 20.7 میلیارد دلار قازانیپدی.