تۆرکیأ قوُیلان حالقارا مایاقوُیوملاری یوُقارلایار

تۆرکیأنینگ جمهورباشلیغی رجب طیب أردوُغان حالقارا حیذماتداشلیق پلاتفرمی تاراپیندان گچیریلن بوُغازایچی ماصلاحاتینا ویدئوآراقاتناشیق اولغامی آرقالی قاتناشدی.

أردوُغان سوُنگقی دؤوۆرده تۆرکیأ قوُیلان حالقارا مایا قوُیوملارینگ آرتیاندیغینی آیتدی.

رجب طیب أردوُغان، تۆرکیأنینگ آلیپ باران ایقدیصادی و سوسیال سیاساتلاری نتیجه سینده تأزه گؤرنۆشلی کروناویروس اپیدمیسی نینگ بیرینجی ییلینی اینگ آز ییتگی بیلن گچیرن سانلیجا یورتلاردان بیریدیگینی نیغتادی.

أردوُغان "گۆیچلی ساغلیغی قوُراییش اولغامیمیز سبأپلی حالقیمیزا تست دن بجرگأ چنلی أهلی ساغلیغی قوُراییش حیذماتلاری یؤنه جه بریلدی. اینگ آغیر گۆنلرده هم 157 یوردا و 12 حالقارا قوراما لوقمانچیلیق انجاملاری کؤمِگینی ایبردیک" دیدی.

"سوُنگقی اؤسۆش و داشاساتوو گؤرکِزیجیلری تۆرکیأنینگ اینگ آغیر گۆنلرده قازانان اۆستۆنلیگینی گؤرکِزیأر" دیه ن أردوُغان، "تۆرکیه 2020-نجی ییلدا 1.8 گؤتریملیک اؤسۆش دِپگینی بیلن حیتای دان سوُنگ ایکینجی اوُرنی ایه له دی. صناغات اؤنۆمچیلیگی بیلن بیرلیکده داشاساتوو دا یوُقارلایار" دیدی.

تۆرکیأنینگ جمهورباشلیغی "سوُنگقی دؤوۆرده یوردومیزا قوُیولان حالقارا مایا قوُیوملاری آرتیار. بیرلشن میللتلر قوراماسی نینگ قالقینیش میلناماسینا اولی أهمیت بریأریس. بو اۆستۆنلیگیمیزی گلجک ده ده دوُوام اتدیرمه ک ایسله یأریس" دیدی.