تۆرک هوُوا یوُللاری: اۆستۆنلیکلی حیذمادینگ قسیغاچا حِکایاسی

تۆرک هوُوا یوُللاری شرکتی دۆنیأنینگ اینگ کؤپ یرینه اوچان شرکت

1421489
تۆرک هوُوا یوُللاری: اۆستۆنلیکلی حیذمادینگ قسیغاچا حِکایاسی

87 ییل موندان اوُزال 1933-نجی ییلینگ مه آیی نینگ 20-سینده قوُرانماق وزیرلیگینه باغلی دؤولت هوُوا یوُللاری حؤکمۆنده ایشه باشلان تۆرک هوُوا یوُللاری نیره‌دن نیرأ گلدی؟

تۆرک هوُوا یوُللاری 180 مۆنگ تۆرک لیراسی بیلن قورالیپدی.

ایلکی باشدا 24 سانی پرسُنلی بوُلان تۆرک هوُوا یوللاری 2 سانی 5 اوُتورغاچلی کینگ برد، 2 سانی دؤرت اوُتورغاچلی یانکرز اف- 13 و بیر سانی 10 اوُتورغاچلی  ATH- 9 اوچاری بیلن ایشینه باشلادی.

بو شرکت 1947-نجی ییلدا ایلکینجی گِزه‌ک داشاری یورتلارا یوُلاغچی اوچارینی آتن قونالغاسینا اوچار ایبریپ باشلاپدی.

1956-نجی ییلدا تۆرک هوُوا یوُللاری یاتا قوراماسی نینگ آغضاسی بوُلدی.

بو تۆرک شرکتی 1961-نجی ییلدا ایلکینجی گِزه‌ک آمریکانینگ قوُنالغالاریندان بیرینه اوچار اوغراتدی.

2008-نجی ییلدا استار آلیانس توُپارینا آغضا بوُلان شرکت، 2013-نجی ییلدا دۆنیأده اینگ کؤپ قوُنالغا اوچار اوغرادیان هوُوا یوُلی شرکتی بوُلدی.

تۆرک هوُوا یوُللاری 2011- 2016-نجی ییللارینگ آراسیندا اسکای ترکس تاراپیندان 5 گِزه‌ک اوروپادا یوُلاغچیلارینگ اینگ حالایان هوُوا یوُللاری دییپ سایلاندی.

شو گۆنکی گۆنده تۆرک هوُوا یوُللاری نینگ 365 اوچاری و 65 مۆنگ ایشچیسی بار.

تۆرکیأنینگ بویسانجی بوُلان تۆرک هوُوا یوُللاری شرکتی 127 یورتداقی 319 قوُنالغا اوچیار.

دۆنیأنینگ اینگ کؤپ شهرینه اوچیان بو شرکتینگ 5432 اوچارمانی و 12 مۆنگ 52 کابین حیذماتگأری بار.

تۆرک هوُوا یوُللاری دۆنیأده اینگ کؤپ یره اوچیان شرکت.

بو شرکت آفریقادا دا اینگ کؤپ قوُنالغا اوچیان شرکت دییپ بیلینیأر.

 



دِگیشلی حابارلار