تۆرک آقیمی پروژه سی آچیلدی

تۆرک آقیمی پروژه سی بیلن روسیانینگ طبیغی گازی تۆرکیأ و اوروپا گلیأر

تۆرک آقیمی پروژه سی آچیلدی
erdogan Turkakim.jpg
putin-erdogan Turkakim.jpg
putin Turkakim.jpg
Türkakim acilis.jpg
putin-erdogan Turkakim1.jpg

 

 

روسیانینگ طبیغی گازینی تۆرکیأ و تۆرکیه اۆستی بیلن اوروپا یتیریأن تۆرک آقیمی طبیغی گاز گچیریجی تورباسی تۆرکیه و روسیانینگ جمهورباشلیقلاری نینگ قاتناشماغیندا آچیلدی.

خلیج کنگره مرکزینده گچیریلن دابارا تۆرکیه بیلن روسیانینگ یۇلباشچیلاری بیلن بیله لیکده صربیستان ینگ جمهورباشلیغی آلکساندر ووچیچ و بلغاریستان ینگ باش وزیری بویکو بوریسف ده قاتناشدی.

آچیلیش داباراسیندا ایلکی بیلن، پروژه نینگ تانادیلیش ویدئوسی گؤرکِزیلدی.

سۇنگ بۇلسا تۆرکیأنینگ جمهورباشلیغی رجب طیب أردۇغان برن بیاناتیندا، تۆرک آقیمی نینگ روس دۇستلاری بیلن اولی زحمت چکیلن، ایکی یوردونگ قاتناشیقلاری و انرژی ترانزیتی تایدان تاریحی بیر پروژه بۇلاندیغینی نیغتادی.

بیر ییلینگ ایچرسینده پروژه نینگ اۆستۆنلیکلی یاغدایدا تاماملاناندیغینی بیلدیرن أردۇغان بو پروژه بیلن ۳۱.۵ میلیارد مکعب متر طبیغی گازینگ ۱۵.۷۵ میلیارد مکعب متری نینگ آرا بیله کی یورتلار قاریشمانی گؤنی تۆرکیأ یتیریلجکدیگینی آیتدی.

تۆرکیأنینگ جمهورباشلیغی بؤلگه دأکی واقالار بیلن باغلانشیقلی،

"تۆرکیه حؤکمۆنده بؤلگه ده آصلا دارتغینلیق ایسله مه یأریس و هیچ ده دارتغینلیق ایسله مه دیک" دیدی.

ایران بیلن آمریکانینگ آراسینداقی دارتغینلیغا دا اۆنس چکن أردۇغان،

"ساواش دۆمبۆگی نینگ چالینان شو گۆنلرینده دیپلماسی نینگ بۆتین مۆمکینچیلیکلرینی اولانیپ دارتغینلیغی آزالتماق اۆچین تاغاللا ادریس" دیدی.

هیچ کیمینگ دینگه اؤز بأحبیدی اۆچین عیراق باشدا بۇلماق بیلن بۆتین بؤلگه ده تأزه بیر اۇد یاقمالی دألدیگینی آیدان أردۇغان،

"الیمیزدأکی بۆتین مۆمکینچیلیکلردن پیدالانیپ بؤلگأمیزینگ قان و گؤزیاشینا بۇغولماغینا روغصات برمه ریس. تۆرکیه حؤکمۆنده نه عیراق، نه سوریه نه لبنان و نه ده آیلاق بؤلگه سی نینگ تاراپلی اورشلاری نینگ صاحناسی بۇلماغینی ایسله مه یأریس" دیدی.

روسیانینگ یۇلباشچیسی ولادیمیر پوتین دا برن بیاناتیندا، یوردی بیلن تۆرکیه آراسینداقی حیذماتداشلیغینگ تۇغتادیلماق اۆچین ادیلن تاغاللالارا قارامازدان هر پوداقدا اؤسیأندیگینی آیتدی و روس گازی نینگ تۆرکیه اۆستی بیلن اوروپا یتیریلمه گی نینگ بۆتین اوروپانینگ ایقدیصادیه تینه پیدا برجکدیگینی بیلدیردی.

پوتین،

"بو بؤلگه ده دارتغینلیغینگ یۇقارلادیلماغی ایسله نیأر. تۆرکیه بیلن روسیا مونونگ ترسینی اؤنگه آلیپ باریار"

دیدی.

چیقیشلاردان سۇنگرا روسکایا کمپرسور مرکزی بیلن قیی کؤی آلیش ترمینالی بیری بیرینه باغلاندی و تۆرک آقیمی طبیغی گاز گچیریجی توربانینگ چۆرنۆگی سمبلیک یاغدایدا آچیلدی.



دِگیشلی حابارلار