تاناپ طبیغی گاز گچیریجی تورباسی اوروپا باغلاندی

أردوغان: "تاناپ پروژه سی پاراحاتچیلیق پروژه سیدیر"

تاناپ طبیغی گاز گچیریجی تورباسی اوروپا باغلاندی

 

تۆرکیأنینگ جمهورباشلیغی رجب طیب أردۇغان، ترانس آناتولی طبیغی گاز گچیریجی توربانینگ (تاناپ) تۆرکیأنینگ پاراحاتچیلیقلی ماقصادی نینگ اینگ بِللی گؤرکِزیجیسی بۇلاندیغینی آیتدی.

أردۇغان ادیرنه ولایاتی نینگ ایپسالا شهرینده تاناپ ام. اس ۴ اؤلچمه مرکزیندأکی تاناپ-ینگ اوروپا باغلانماغی داباراسینا قاتناشدی.

أردۇغان شۇل یرده برن بیاناتیندا،

"یوردومیز و بؤلگأمیز اۆچین حاقیقاتدان هم اولی أهمیتلی بیر واقا شایاتلیق ادیأریس. بو، بؤلگه آرا پاراحاتچیلیق پروژه سیدیر. بو پروژه هر زاتدان اۇزال یورتلاریمیزینگ آراسینداقی دۆیپلی دۇستلوغیمیزینگ سمبلیدیر. تاناپ آذربایجان دان اوروپا چنلی گیدن ۳۵۰۰ کیلومتر انرژی کریدوری نینگ اینگ أهمیتلی بؤله‌گیدیر" دیدی.

أردۇغان ۲۰۱۲-نجی ییلدان بأری تاناپ پروژه سی اۆچین اولی تاغاللالار ادیلندیگینی نیغتادی.

تۆرکیأنینگ جمهورباشلیغی، تاناپ بیلن آذربایجان ینگ ۱۶ میلیارد مکعب متر طبیغی گازی نینگ تۆرکیه و اورپانینگ یاریسینا ایبریلجکدیگینی بیلدیردی.

رجب طیب أردۇغان گۆن دۇغار آق دنگیزدأکی هیدروکربن چشمه لری نینگ پایلانماغی باراسیندا عادالاتلی بۇلونماغینی ایسله دی و هیچ بیر زادینگ حالقارا حقوقدان یۇقاری دألدیرگینی آیتدی.

أردۇغان گۆن دۇغار آق دنگیزده قبرسلی تۆرکلری نینگ حاقینی ایدیرمه جکدیگینی آیتدی.

آذربایجان ینگ جمهورباشلیغی الهام علی یف ده برن بیاناتیندا،

"شو گۆن تاریحی بیر گۆندیر. تاناپ ینگ اوزاق عؤمۆرلی بۇلماغینی اومیت ادیأرین. بو پروژه تۆرکیه- آذربایجان و بیله کی قۇنگشی یورتلارا پیداسینی یتیرر" دیدی.

 



دِگیشلی حابارلار