ایران: خوزستان دا بیر پلیس اؤلدی

ایران ینگ خوزستان ولایاتی نینگ ماهشهر اترابیندا کؤچه لره چیقانلار بیلن حۇوپسوزلیق گۆیچلری نینگ آراسیندا بۇلان یاراغلی چاقنیشیقدا ۱ پلیس اؤلدی، ۲ پلیس یارالاندی.

تابناک حابار سایتی، پلیسینگ یؤریته گۆیچلری نینگ باش توتانلاریندان حسن کریمی نینگ بیاناتینی یازدی.

کریمی، "ماهشهر شهرینده دوشنبه گۆنی بۇلان چاقنیشیقدا پلیسلاردان رضا صیاد آرادان چیقدی و ۲ پلیس دا یارالاندی" دیدی.

شیله لیک بیلن دارتغینلیغینگ باشلان گۆنۆندن بأری پلیس و سپاه دان آرادان چیقان حۇوپسوزلیق گۆیچلری نینگ سانی ۶ بۇلدی.

آمریکانینگ ایقدیصادی قاباویندان قینچیلیق چکیأن ایران حالقی نینگ بیر بؤله گی ۱۵-نجی نویابر آننا گۆنی بنزین ینگ قیمماتی نینگ یۇقارلاماغیندان سۇنگ کؤپ یرده کؤچه لره چیقیپدی.

بۇلان دارتغینلیقدا کؤپ سانلی دؤولت ادارالاری دا یاقیلدی.