داشاری یورتلیلار تۆرکیه دن اؤی ساتین آلماغا دۇوام ادیأر

داشاری یورتلی رایاتلارا ساتیلان اؤی رکورد قۇییار.

اکتبر آییندا سپتامبر آیینا گؤرأ داشاری یورتلیلارا اؤی ساتووی ۲ گؤتریم یۇقارلادی.

شیله لیک بیلن سۇنگقی ۱۰ آیدا داشاری یورتلیلارا اینگ کؤپ اؤی اکتبر آییندا ساتیلدی.

یانوار- اکتبر آیلاری آراسیندا داشاری یورتلیلارا ۳۶ مۆنگ ۱۹۷ اؤی ساتیلدی.

اؤتن ییلینگ ۱۰ آییندا داشاری یورتلی رایاتلار تۆرکیه دن ۳۰ مۆنگ ۴۳۱ اؤی ساتین آلیپدی.

شونگا گؤرأ شو ییل ساتین آلینان اؤیلر ۱۹ گؤتریم یۇقارلادی.

۲۰۱۸-نجی ییلدا داشاری یورتلیلارا ۳۹ مۆنگ ۶۶۳ اؤی ساتیلیپدی.

شو ییل بو موقدارینگ ۴۰ مۆنگدن گچجکدیگی و ۴۵ مۆنگه قۇلایلاجاقدیغی آیدیلیار.

داشاری یورتلیلار اینگ کؤپ ایستامبول دان اؤی ساتین آلدی.

شو ییلینگ ۱۰ آییندا داشاری یورت رایاتلاری ایستامبول دان ۱۶ مۆنگ ۳۲۲، دینگه اکتبردا ۲۰۴۳ اؤی ساتین آلدی.

اؤتن ییلینگ ۱۲ آییندا داشاری یورتلارینگ رایاتلاری ایستامبول دان ۱۴ مۆنگ ۲۷۰ اؤی ساتین آلیپدی.

شو ییل داشاری یورتلیلارا ایستامبول دان ۲۰ مۆنگ اؤی ساتیلماغینا قاراشیلیار.