تۆرکیه‌ده ایشسیزلیک ۰.۷ گؤتریم آزالدی

تۆرکیه‌ده ایشی بۇلمایانلارینگ سانی آزالیار

869062
تۆرکیه‌ده ایشسیزلیک ۰.۷ گؤتریم آزالدی

 

 

تۆرکیه‌ده ایشسیزلیک موقداری آزالیار.

تۆرکییأنینگ حاسابات قوراماسی سنتیابر (سپتامبر) آییندا تۆرکیه‌ده ایشسیزلرینگ سانی نینگ آزالدیغینی بیلدیردی.

ایشسیزلرینگ موقداری ۰.۷ گؤتریم آزالیپ ۱۰.۶ گؤتریم بۇلدی.

ایش تاپیپ بیلمه‌یأنلرینگ سانی ۲۰۱۷-نجی ییلینگ سپتامبر آییندا اؤتن ییلینگ شۇل بیر دؤورۆه گؤرأ ۱۰۴ مۆنگ آدام آزالدی و ۳ میلیون ۴۱۹ مۆنگ سانینا یتدی.

اکرانچیلیغینگ داشینداقی ایشسیزلیگینگ موقداری ۰.۹ گؤتریم آزالیپ ۱۲.۸ گؤتریمه یتدی.

ایش تاپیپ ایشله‌مأگه باشلانلارینگ سانی اؤتن ییلا گؤرأ ۱ میلیون ۲۳۳ مۆنگ آدام یۇقارلادی و ایشله یأنلرینگ جمی سانی ۲۸ میلیون ۷۹۷ مۆنگ آدام بیلن بارابار بۇلدی.

اکرانچیلیق ایشلری بیلن اوغراشیانلارینگ سانی بۇلسا ۱۹۷ مۆنگ آدام یۇقارلادی. بیله کی پوداقلاردا ایشله یأنلرینگ سانی بۇلسا ۱ میلیون ۳۶ مۆنگ آدام کؤپِه‌لدی.

ایشه باشلایانلارینگ ۲۰.۳ گؤتریمی اکرانچیلیق، ۱۸.۸ گؤتریمی صناغات، ۷.۷ گؤتریمی قورلوشیق، ۵۳.۱ گؤتریمی حیذماتلار پوداغیندا ایشله یأر.

ارکک آداملاردا ایشلأپ بیلیأنلرینگ ایشله یأن سانی ۶ بال یۇقارلادی و ۷۳.۱ گؤتریمه یتدی یاغنی تۆرکیه ده ایشلأپ بیلجک هر ۱۰۰ آدامدان ۷۳.۱ گؤتریمی ایشله یأر.

بو موقدار زنانالاردا ۱ بال یۇقارلادی و ۳۴.۵ گؤتریم بۇلدی.

 


اتیکتلر: #ایشسیزلیک

دِگیشلی حابارلار