تۆرکیأنینگ ایقدیصادی اینام ایندکسی یۇقارلادی

ایقدیصادی اینام ایندکسی ایول آییندا اؤتن ییلینگ شۇل آیینا گؤرأ ۱۴.۹ گؤتریم یۇقارلاپ ۹۵.۷ بالا یتدی.

تۆرکیأنینگ حاسابات قوراماسی ایول آیی باراسینداقی گؤرکِزیجیسینی چاپ اتدی.

شونگا گؤرأ ایقدیصادی اینام ایندکسیندأکی یۇقارلاما، حیذمات پوداغی، اۇونوق سؤودا، قورلوشیق و اؤنۆم صناغاتینداقی اینامینگ یۇقارلاماغی بیلن یۇقارلادی.

ایول دا (ژوئیه ده) قورلوشیق پوداغیندا اینام ایندکسی ۲.۵ گؤتریم یۇقارلاپ ۸۲.۹۵ بال، حیذمات پوداغیندا ۵.۳ بال یۇقارلاپ ۱۰۰.۸۶، اؤنۆم صناغاتیندا ۱.۹ گؤتریم یۇقارلاپ ۱۰۶.۳۰، اۇونوق سؤودا پوداغیندا ۳.۹ بال یۇقارلاپ ۱۰۳.۵۶ بال بۇلدی.

مۆشدری نینگ اینام ایندکسی بۇلسا ۳.۵ بال یۇقارلاپ ۶۷.۰۳ بال بۇلدی.