ایستامبول- قونیه آراسی ۴ ساغات
قونیه- ایستامبول یوروک ترن حاطّی آچیلدی
ایستامبول‌دان بیلن قونیأنینگ آراسی دمیریۇل بیلن بیری بیرینه باغلاندی.
ایستامبول بیلن قونیأنینگ آراسیندا قاتنادیلجاق یوروک ترن بیلن، موندان اۇزال ۱۰-۱۳ ساغات دۇوام ادیأن یۇلاغچیلیق ۴ ساغادا یتر.
قونیه- ایستامبول آراسینداقی یوروک ترن‌ینگ قاتناوی‌نینگ باشلادیلماغی میناسیبتی بیلن قونیأنینگ دورالغاسیندا چیقیش ادن تۆرکیأنینگ باش‌وزیری احمد داووداۇغلی مؤولانانینگ آرادان چیقماغی‌نینگ ۷۴۱-نجی ییللیغینی یاتلاتدی.
داووداۇغلی یوروک ترن بیلن بیرلیکده "ایلکینجی باش‌شأهِریمیز بیلن قادیمی باش‌شأهِریمیزینگ آراسیندا اۇوادان دوشوشیق بۇلیاندیغینی" نیغتادی.
تۆرکیأنینگ باش‌وزیری ۲۰۰۲-نجی ییلدان بأری تۆرکیه‌ده ۱۸۹۵ کیلومتر دمیریۇلونگ یاسالاندیغینی بیلدیردی و تأزه أدیملر بیلن تۆرکیأنینگ دۆنیأده گۆیچلی بیر یورت یاغدایینا گلجِکدیگینی بیلدیردی.
آچیلیش داباراسیندا تۆرکیأنینگ جمهورباشلیغی رجب طیب أردۇغان دا چیقیش اتدی.
دِگیشلی حابارلار
تۆرکیه ده ایشله‌یأن عایاللارینگ سانیندا رکورد قوُیولدی
تۆرکیه ده ایشله یأن زنانالارینگ سانی اؤتن ییل 30.4 بیلن رکورد قوُیدی
توُگ اولاغینی آلماق ایسله‌یأنلرینگ سانی 100 مۆنگ آدامدان گچدی
ایسله گ بیلدیرمه ک ایسله یأنلره 27-نجی مارت گۆنۆنه چنلی واغت بریلدی
