أردوُغان: شهرلریمیزی اؤنگکۆسیندن قاییملاریس

تۆرکیأنینگ جمهورباشلیغی رجب طیب أردوُغان شهرلرینگ اوُزالقیسیندان دا قاییم و حوُوپسوز یاغدایا گتیریلینچأ دورمان یادامان ایشله مأگه دوُوام اتجکدیکلرینی آیتدی.

تۆرکیأنینگ جمهورباشلیغی 6-نجی فورال داقی یر تیتره مه سیندن ضلل گؤرن مالاتیا شهرینده قورلوشیغی تاماملانان 6 مۆنگ 554 اؤیی ایه لرینه قوُوشوریلیش داباراسینا قاتناشدی.

أردوُغان 2024-نجی ییلینگ آحیرینا چنلی یر تیتره مه سیندن سوُنگرا ییقیلان اؤیلرینگ 45 گؤتریمی نینگ اۆپجۆن ادیلجکدیگینی سؤز برندیکلرینی و بو سؤزی توتاندیقلارینی یاتلاتدی و "2025-نجی ییلدا یر تیتره مه سی بوُلان یرلرده 452 مۆنگ 983 قاراشسیز اؤیی یورتداشلاریمیزا برریس" دیدی.

2025-نجی ییلینگ آحیریندا یر تیتره مه سی بوُلان 11 ولایاتدا بۆتین یاشاییجیلارینگ دینچ، دورنوقلی و آسودا اؤیلرینه قوُوشجاقدیغینی بیلدیرن تۆرک یوُلباشچی "بو یرلرده ایش یرینی آچمایان بیر سانی دوُغانیمیز دا قالماز. شهرلریمیز اوُزالقیسیندان دا قاییم و حوُوپسوز یاغدایا گتیریلینچأ دورمان یادامان ایشله مأگه دوُوام ادریس" دیدی.