أردوُغان: سوریأنینگ ارکینلیگینه قوُوشماغی بیزی بِگِندیردی

تۆرکیأنینگ جمهورباشلیغی رجب طیب أردوُغان سوریأنینگ ارکینلیگینه قوُوشماغی نینگ بگنچ چشمه سی بوُلاندیغینی آیتدی.

تۆرک یوُلباشچی عادالات و اؤسۆش حزبی نینگ دنیزلی دأکی 8-نجی ولایات کنگره سینده بیانات بردی.

سوریه ده اسد رژیمی نینگ آغداریلاندیغینی و 8-نجی دکابردا محالیقلارینگ دشق شهرینی آلاندیغینی یاتلادان أردوُغان "محالیقلارینگ 13 ییللیق ظلمی دوروزماغی تۆرکیه ده بیزی بگندیردی. سوریأنینگ آزات ادیلمه گی بیزی بگندیردی. بیز 911 کیلومترلیک آراچأگیمیز بوُلان سوریه دأکی چاقنیشیلارینگ یاراماز تأثیرینی اینگ کؤپ گؤرِن یورتلاردان بیری دیک. کؤپ یرده اولی تؤله‌گلر بردیک" دیدی.

تۆرکیأنینگ جمهورباشلیغی، داشاری یورتلارینگ سوریه ده ترور قوراماسینا کؤمِک بریأندیگینی و داعش ینگ باهاناسی بیلن آیرالیقچی ترور قوراماسی پ. ک. ک/ ی. پ. گ-أ یاراغ ایبریأندیگینی آیتدی و "ظالم اسد سوریأنی اولی بیر نعشه اؤندۆریجیسینه اؤوۆردی. اؤلۆم و ظلم مرکزینه اؤورۆلن زندانلار، تجاوز ادیلن زنانالار، انچمه ظلملار بار. من بو یرده ساناپ بیلمه یأرین. حالق تاراپیندان سوریه ده قورساغیندا داشینگ یرینه یۆره ک بوُلان هممه لری بگندیرجک اولی بیر ایش آغدارلیشیق بوُلدی" دیدی.