تۆرکیه ایسرائیل ینگ لبنانا هۆجۆمینی برک یازغاردی

تۆرکیه ایسرائیل ینگ لبنانا ادن هۆجۆملری نینگ حقوقسیز و بی قانون بیر اشغال ایشی بوُلاندیغینی بیلدیردی.

تۆرکیأنینگ داشاری ایشلر وزیرلیگی مسئله بیلن باغلانشیقلی یازماچا بیانات بردی.

یازماچا بیاناتدا "ایسرائیل ینگ لبنانا قوری یردن هۆجۆم باشلادیپ بو اۆلکأنینگ قاراشسیزلیغی و توُپراق بیتولیگینه پأسگل برمه گی، حقوقسیز بیر اشغال ایشیدیر. بو هۆجۆمینگ اینگ قیسغا واغتدا دوروزیلماغی و ایسرائیل ینگ عسگرلری نینگ لبنان ینگ توُپراقلاریندان چیقماغی گره‌کلیدیر" دییلدی.

هۆجۆمینگ دینگه بؤلگه دأکی یورتلارینگ دأل، ایسه م بیله کی یورتلارینگ دا حوُوپسوزلیق و دورنوقلیلیغینی نیشان آلیاندیغینی بیلدیرن داشاری ایشلر وزیرلیگی بیرلشن میللتلر قوراماسی نینگ حوُوپسوزلیق گنگه شی نینگ مسئله بیلن باغلانشیقلی ایش آلیپ بارماغینی ایسله دی.