سیسی آنکارادا أردوُغان بیلن دوشوشدی
أردوُغان مصر بیلن تۆرکیأنینگ فلسطین مسئله سینده ده بیر قاراییشا ایه بوُلجاقدیغینی آیتدی
ایلکینجی گِزه ک رسمی ساپار بیلن تۆرکیأ گلن مصرینگ جمهورباشلیغی عبدالفتاح السیسی آنکارادا تۆرکیأنینگ جمهورباشلیغی رجب طیب أردوُغان تاراپیندان رسمی دابارا بیلن قارشیلاندی.
قارشیلاما داباراسیندان سوُنگرا أردوُغان بیلن سیسی اؤزآرا دوشوشیق گچیردی.
ایکی یوُلباشچی نینگ دوشوشیغی مطبوغاتا یاپیق یاغدایدا گچیریلدی.
اؤزآرا دوشوشیقدان سُونگرا ایکی یوُلباشچی یوُقاری درجه لی استراتژیک حیذماتداشلیق گنگه شی نینگ ماصلاحاتینا یوُلباشچیلیق اتدی.
تۆرکیه بیلن مصرینگ یوُلباشچیلاری نینگ دوشوشیغیندا اؤزآرا قاتناشیقلار، تۆرکیه بیلن مصرینگ قاتناشیقلارینی یوُقارلاتماق و غزه مسئله سی حاقیندا گنگه شیلدی.
تۆرکیأنینگ جمهورباشلیغی گچیریلن مطبوغات کنفرانسیندا مصر بیلن تۆرکیأنینگ حیذماتداشلیغینگ أهمیتینه اۆنس چکدی.
أردوُغان انرژی، مدنیت و سیاحاتچیلیق پوداغیندا ایکی یوردونگ حیذماتداشلیغینی یوُقارلاتجاقدیغینی حابار بردی.
أردوُغان مصر بیلن تۆرکیأنینگ فلسطین مسئله سینده ده بیر قاراییشا ایه بوُلجاقدیغینی آیتدی.
تۆرک یوُلباشچی غزه دأکی حالقا ایبریلن کؤمِکلرینگ 32 گؤتریمی نینگ تۆرکیه دن گیدندیگینی یاتلاتدی و مصرینگ قیزیل آی قوراماسینا بو کؤمِکلرینگ یتیریلمه گی بیلن باغلانشیقلی کؤمِکلری سبأپلی مینتدارلیق بیلدیردی.
أردوُغان سؤزلرینده ایسرائیل ینگ آلیپ باریان قیرغینچیلیغینی و سیاساتلارینی دا برک تانقیت اتدی و ایسرائیل ینگ حالقارا جمغیتچیلیگه حاساپ برمهلیدیگینی آیتدی.
دِگیشلی حابارلار
ریزه آرتوین قوُنالغاسیندان 2.3 میلیون یوُلاغچی اوچدی
تۆرک وزیر 2022-نجی ییلدان بأری بو قوُنالغادان اوچان اوچارلارینگ 35 گؤتِریم یوُقارلاندیغینی آیتدی
أردوُغان ساکاریا ینگیشینی قوتلادی
تۆرکیأنینگ جمهورباشلیغی رجب طیب أردوُغان ساکاریا ینگیشی نینگ 103-نجی ییلینی قوتلادی
