أردوُغان آذربایجان بیلن تۆرکیأنینگ حیذماتداشلیقلارینا اۆنس چکدی

تۆرکیأنینگ جمهورباشلیغی رجب طیب أردوُغان آذربایجان بیلن تۆرکیأنینگ اوُرتاق پروژه لری نینگ دینگه ایکی یوردا دأل، بؤلگأنینگ و اوروپانینگ انرژی حوُوپسوزلیغینا دا اولی قوُشانت قوُشیاندیغینی آیتدی.

تۆرک یوُلباشچی آذربایجان ینگ پایتاغتی باکودا گچیریلیأن 29-نجی حالقارا دنگیز نبیت و طبیغی گاز کنفرانسینا بیانات ایبردی.

باکوداقی انرژی هپده سی بیلن باغلانشیقلی بۆتین چأره لرینگ نتیجه لی گچمه گینی آرزوو ادیأندیگینی آیدان أردوُغان بو دابارالارینگ تۆرکیه بیلن آذربایجان ینگ آراسینداقی حیذماتداشلیغی چونگلاشدیرماغا وسیله بوُلماغینی و بؤلگأنینگ پاراحاتچیلیق و دورنوقلولیغینا قوِشانت قوُشماغینی دیله‌دی.

أردوُغان تۆرکیه بیلن آذربایجان ینگ هر پوداقدا بوُلشی یالی انرژی پوداغیندا دا گۆیچلی قاتناشیقلارا ایه دیگینی یاتلاتدی و "اوزاق ییللاردان بأری دوُوام ادیأن و باکو- تفلیس- جیحان، باکو – تفلیس- ارزروم توربالاری و ترانس آناتولی طبیغی گاز تورباسی (تاناپ) یالی اساسی قورلوشیقلار بیلن یوُقارلادیلان حیذماتداشلیغیمیز دینگه آذربایجان و تۆرکیأنینگ بأحبیدینه دأل، بؤلگه و اوروپانینگ انرژی حوُوپسوزلیغینا دا قوُشانت قوُشاندیر" دیدی.

تۆرکیأنینگ جمهورباشلیغی، تۆرکمنیستان دا چیقاریلان طبیغی گازینگ دا تۆرکیه و اوروپا یتیریلمه گی نینگ أهمیتلی بوُلاندیغینی بیلدیردی.

تۆرک یوُلباشچی تۆرک دۆنیأسی حؤکمۆنده اۆلکه لرینگ آراسیندا سیاسی، ایقدیصادی، تیجاری، حوُوپسوزلیق، حاربی و قوُرانماق صناغاتی، قاتناو، ساغلیق، ساپاق بریش و مدنیت پوداقلاریندا بوُلشی یالی انرژی پوداغیندا دا حیذماتداشلیغینگ یوُقارلادیلمالیدیغینی آیتدی.