أردوُغان: ایران بیلن قاتناشیقلاریمیزینگ اؤسۆشینه أهمیت بریأریس

رئیسی بیلن أردوُغان مطبوغات کنفرانسینی گچیردی

2093101
أردوُغان: ایران بیلن قاتناشیقلاریمیزینگ اؤسۆشینه أهمیت بریأریس

تۆرکیأنینگ جمهورباشلیغی رجب طیب أردوُغان ایران ینگ جمهورباشلیغی ابراهیم رئیسی بیلن بوُلان دوشوشیغی بارادا بیانات بردی.

أردوُغان "یوردومیزینگ و بؤلگأمیزینگ حوُوپسوزلیغینا ضلل برمه ک ایسله یأن پ. ک. ک/ پ. ی. د/ ی. پ. گ و پژاک توُپارلارینا قارشی حیذماتداشلیغیمیزینگ موندان دا گۆیچلندیریلمه گی نینگ أهمیتینه اۆنس چکدیک" دیدی.

أردوُغان رسمی ساپار بیلن آنکارا گلن ایرانلی اِگیندشی ابراهیم رئیسی بیلن دوشوشماغیندان سوُنگرا اوُرتاق مطبوغات کنفرانسینا قاتناشدی.

"قوُنگشومیز ایران بیلن قاتناشیقلاریمیزینگ ایکی تاراپلی اینام و اوُرتاق بأحبیتلرینگ اساسیندا چونگلاشدیرماغینا أهمیت بریأریس" دیه ن أردوُغان "کرمان دا 3-نجی ژانویه ده بوُلان ییگرنچ ترورچیلیقلی هۆجۆمی برک یازغاریارین. تۆرکیأنینگ ترورچیلیق بیلن گؤره‌شینده ایران ینگ یانیندا بوُلاندیغینی بیلدیرمه ک ایسله یأرین" دیدی.

7-نجی اکتبردان بأری دوُوام ادیأن ایسرائیل- فلسطین چاقنیشیغی حاقیندا دا بیانات برن أردوُغان،

"ایسرائیل ینگ غزه بؤلگه سینه آدامزادا باپ گلمه یأن بی قانون هۆجۆملری نینگ دورماغی، عادالاتلی و همیشه لیک پاراحاتچیلیغینگ دۆیبۆنینگ توتولماغی اۆچین اینگ چالت یاغدایدا أدیم أدیلمه گی بارادا گۆررۆنگ اتدیک. بؤلگأمیزینگ حوُوپسوزلیغی و دورنوقلیلیغینا موندان کؤپ ضلل برجک أدیملرینگ اؤنگۆنه گچیلمه لیدیگی حاقیندا ایلالاشدیق" دیدی.

أردوُغان بیلن رئیسی تۆرکیه- ایران ایش فوُرومینا دا قاتناشدی.

أردوُغان بو یرده "بؤلگأمیزینگ ایکی گۆیجی بوُلان تۆرکیه بیلن ایران، قالقینیش و دورنوقلیلیق اۆچین حیذماتداشلیغینی یوُقارلاتمالیدیر. ایران بیلن 30 میلیارد دلارلیق ایقدیصادی ماقصادا یتمه ک اۆچین توتان یرلی توتوما ایه دیرس. بیز قوُنگشومیز ایران بیلن اوُلارا قوُیولان چأکلندیرمه سبأپلی ایقدیصادی قاتناشیقلاریمیزی دوروزمادیق موندان سوُنگرا دا دوروزماریس" دیدی.

تۆرک یوُلباشچی "ایران بیلن تأزه بیر سرحت گِچِلگه سینی آچماق ایسله یأریس. سرحتدأکی ولایاتلاریمیزینگ ایقدیصادی اؤسۆشینی یوُقارلاتماق اۆچین سرحت سؤودا مرکزلریمیز ایشینه دوُوام ادیأر" دیدی.

سوُنگرا ایکی یوردونگ توُپارلاری نینگ دا قاتناشماغیندا تۆرکیه بیلن ایران ینگ یوُقاری درجه لی حیذماتداشلیغی گنگه شی نینگ 8-نجی ماصلاحاتی گچیریلدی و ایکی یوردونگ آراسیندا 10 ایلالاشیق شرطناماسینا قوُل چکیلدی.


اتیکتلر: #رئیسی , #ایران

دِگیشلی حابارلار