تۆرکیه قاتناو پوداغیندا ۱۶۸ میلیارد دلار مایا قوُیماق ایسله یأر

تۆرکیأنینگ قاتناو و اساسی قورلوشیقلار وزیری عبدالقادیر اورال اوُغلی تۆرکیأنینگ 2053-نجی ییلا چنلی قاتناو پوداغیندا ۱۶۸ میلیارد دلار سرمایا قوُیماق ایسله یأندیگینی آیتدی.

اورال اوُغلی آذربایجان ینگ زنگیلان شهرینده گچیریلن "حالقارا قاتناو و لجستیک کریدورلاری" کنفرانسیندا بیانات بردی.

اوراسیا پتانسیللریندن پیدالانماق بارادا سؤز سؤزلأن اورال اوُغلی تۆرکیأنینگ قاتناو و یوُللار، کریدورلار حاقینداقی قاراییشینی بیان اتدی.

تۆرک وزیر تۆرکیأنینگ آسیا، اوروپا، آفریقا و یاقین گۆن دوُغارینگ آراسیندا یوُقارلایان سؤودا موقدارینا گؤرأ اساسی قاتناو پروژه لرینی ده یوُقارلادیاندیغینی آیتدی.

اورال اوُغلی باکو- تفلیس- قارص دمیریوُلی و آسیا بیلن اوروپانینگ اوُرتاکریدورینا اۆنس چکدی و زنگه زور کریدوری بیلن باغلانشیقلی تۆرکیأنینگ آذربایجان بیلن بیله لیکده ایش آلیپ باریاندیغینی بیلدیردی.