أردوُغان غزه‌لی کِسِللرینگ یانینا باریپ گؤردی

تۆرکیأنینگ جمهورباشلیغی رجب طیب أردوُغان غزه دن تۆرکیأ گتیریلیپ آنکارانینگ بیلکنت شهر کسلحاناسیندا یاتیریلان سرطان کِسِللری بیلن گۆررۆنگدِش بوُلدی.

انکولوژی کسلحاناسینا باران أردوُغانا ساغلیغی قوُراییش وزیری فخرالدین قوُجا، کسلحانانینگ باش‌لوقمانی پروفسور دکتر ارجان ینی و بیله کی دکترلار دا یوُلداشلیق اتدی.

کسللر بیلن بیر بیر دوشوشان و ساغلیق آرزوو ادن تۆرکیأنینگ جمهورباشلیغی، اوُلارینگ یاغدایی بیلن باغلانشیقلی دا ماغلومات آلدی.

غزه دن چیقاریلان سرطانلی کسللر بیلن یانینداقیلاری گتیرن ایکی اوچار آنکارا گلیپدی.

کِسِللر اوچارلاردان آمبولانسا مۆندیریلیپ بیلکنت شهیر کسلحاناسینا گتیرلدی.