أردوُغان: حوُجالی داقی ادیلن قیرغینچیلیق اونودیلیپ بیلینمه‌ز

تۆرکیأنینگ جمهورباشلیغی رجب طیب أردوُغان حوُجالی داقی قیرغینچیلیغینگ آچان اولی یارالارینا اۆنس چکدی.

تۆرک یوُلباشچی، نخجوان دان قایدیشیندا اوچارینگ ایچرسینده ژورنالیستلار بیلن دوشوشدی.

أردوُغان بو دوشوشیقدا حوُجالی داقی قیرغینچیلیغی یاتلاتدی و "شو واغت ارمنیستان حوُجالی داقی ادن قیرغینچیلیغی نینگ تؤله‌گینی تؤله‌یأر و تؤلِه‌جکدیر. چۆنکی 1 میلیون آذری حوُجالی دان و بیله کی شهرلردن هجرت اتدی. ایندی اوُندان کؤپ ییل سوُنگرا آذربایجان بو قیرغینچیلیغینگ حاسابینی سوُرادی و توُپراقلارینی ایزینا آلدی. آمریکا، روسیا، فرانسیا و مینسک اۆچلیسی دییلن بو یورتلار نأچه ییللاپ آذربایجان ینگ حاقینی  تانیمادی. آحیریندا آذربایجان اؤز گؤبِگینی اؤزی کسدی. ایندی حوُجالی دا کیم بار؟ حوُجالی نینگ چئن ایه لری بار" دیدی.

أردوُغان زنگه زور کریدوری نینگ آذربایجان و تۆرکیه اۆچین اؤرأن أهمیتلی بوُلاندیغینی نیغتادی و ایران ینگ بو مسئله حاقیندا یاغشی سؤزلرینگ گلمه گی نینگ بگنجه سبأپ بوُلاندیغینی بیلدیردی.

تۆرکیأنینگ همیشه آذربایجان ینگ یانیندا بوُلاندیغینی آیدان تۆرکیأنینگ جمهورباشلیغی، ارمنیستان ینگ دورنوقلیلیق و آسودالیق اۆچین دؤرأن پورصاتی قاچیرمالی دألدیگینی آیتدی.

تۆرک یوُلباشچی پارس آیلاغی یورتلاری بیلن تۆرکیأنی بیری بیرینه باغلاجاق عیراق آرقالی قالقینیش یوُلی پروژه سینه ده اۆنس چکدی.

امارات ینگ یوُلباشچیسی نینگ بو پروژه نی اؤرأن حالاندیغینی آیدان أردوُغان قالقینیش یوُلونینگ أهمیتینی یاتلاتدی.

تۆرکیأنینگ جمهورباشلیغی، سوئدینگ ناتو قوراماسینا آلینماغی بارادا سؤز سؤزله‌جک قورامانینگ تۆرکیأنینگ بیک میللت مجلیسی بوُلاندیغینی دا سؤزلرینه قوُشدی.