أردوُغان کابینه نینگ گِنگِه‌شیندن سوُنگرا بیانات بردی

تۆرکیأنینگ جمهورباشلیغی رجب طیب أردوُغان یؤنه‌کی تۆرکیه ده یورتداشلارا اساسلاندیریلان بیر اساسی قانون ایسله‌یأندیکلرینی آیتدی و جمهورباشلیقلیق حؤکۆمتی سیستمی نینگ أهمیتینه اۆنس چکدی.

أردوُغان "سیستم باراداقی جِدِللر ایندی یاپیلدی" دیدی.

یر تیتره مه سینده ضلل گؤرن ولایاتلاردا ادیلن ایشلر حاقیندا ماغلومات برن أردوُغان اؤس سالماق بارادا ایشلره دوُوام ادیلیأندیگینی حابار بردی.

أردوُغان "سایلاودان سوُنگرا گیچ قالمانی، تۆرکیأنینگ عاصرینی دوُوام اتدیرجک ایشگأرلر سایلادیق. سایلاو گیجه سینده نتیجه لرینگ بِللی بوُلماغی بیلن تۆرکیأنینگ دوُلاندیریجیسی کیم بوُلجاقدیر سوُراغینا جوُغاپ بریلدی. تۆرکیأنینگ واغتینی و گۆیجۆنی آلجاق نأمه بوُلسا یوُق بوُلدی. موندا اینگ اولی پای یورتداشلاریمیزینگ پایی دیر" دیدی.

بؤلگه ده (منطقه ده) تۆرکیأنی أسگِرمأن آلینان قارارلارینگ همیشه لیک بوُلماغی نینگ مۆمکین دألدیگینه اۆنس چکن تۆرک یوُلباشچی "سوُنگقی سایلاوی دۆنیأنینگ دؤرت بیر یانیندان ایزارلادیلار. یۆز میلیونلارچا آدام گلجگینی تۆرکیه ده گؤریأر. دۆین و اؤنگین ادن داشاری یورت ساپارلاریمیزدا دا بو حاقیقاتا شایاتلیق اتدیک" دیدی.

أردوُغان یر تیتره مه سیندن ضلل گؤرِن یرلرده صناغات پوداغی نینگ اؤسۆشی اۆچین ایش آلیپ باریاندیقلارینی دا سؤزلرینه قوُشدی.