أردوُغان یوردونگ گۆن‌ترتیبی باراسیندا بیانات بردی

تۆرکیأنینگ جمهورباشلیغی رجب طیب أردوُغان اساسی قانون دا اؤزگِرتمِه‌لر حاقینداقی تکلیبی یانگاداندان تۆرکیأنینگ بیک میللت مجلیسینه هؤدۆرله‌جکدیکلرینی آیتدی.

أردوُغان تأزه کابینه بیلن بیرینجی ماصلاحاتینی گچیردی.

ماصلاحاتدان سوُنگرا بیانات برن أردوُغان، شنبه گۆنی تۆرکیه و داشاری یورتلاردان 5 مۆنگ دن کؤپ میهمانینگ گلمه گی بیلن وظیپأ باشلاندیغینی یاتلاتدی و "دابارا ایلایتا دا داشاری یورتلاردان قاتناشانلارینگ مرتبه سی و سانی اؤرأن یوُقاری و بو یوردومیز و بیزی بویساندیردی" دیدی.

یاغشی گۆنلرینگ بوُلشی یالی قین گۆنلرده ده همیشه تۆرکیأ قوُلداو بریأن تۆرکیأنینگ چئن دوُستلارینا مینتدارلیق بیلدیرن أردوُغان "مۆنگلرچه کیلومتر داشدان گلیپ بو قادیردانلیغینی گؤرکِزنلره هیچ اونوتماجاقدیغیمی آیتماق ایسله یأرین" دیدی.

تأزه دؤوۆرده ده حالقا برن سؤزلرینی ایزارلاجاقدیغینی آیدان تۆرک یوُلباشچی، سایلاودان اؤنگ آیدیلان اساسی قانون داقی اؤزگِرتمه لری ینه ده مجلیسه ایبرجکدیکلرینی نیغتادی.

أردوُغان "تورم سبأپلی یاشاییشینگ باهالاشماغی و یوُقاری قیممات باهالاری میللتیمیزینگ گۆن ترتیبیندن داشاری چیقارماق اۆچین توتان یرلی دیرس" دیدی.

تۆرکیأنینگ جمهورباشلیغی ساواش دان و ترور قورامالاری نینگ هۆجۆملریندن قاچیپ تۆرکیأ سیغینان بوُسغونلارینگ ایناملی، حوُوپسوز و آبرایلی بیر یاغدایدا اؤز دوُغدوق دیارلارینا قایتماقلاری اۆچین ایش آلیپ بارجاقدیغینی سؤزلرینه قوُشدی.