تۆرکیأنینگ جمهورباشلیغی أردوُغانا قوتلاغلار گلمأگه دوُوام ادیأر

تۆرکیأنینگ جمهورباشلیغی رجب طیب أردوُغانا قوتلاغلار گلمأگه دوُوام ادیأر.

سایلاوینگ ایکینجی تاپغیریندا اۆستۆنلیگیندن سوُنگرا دمیرقازیق قبرس تۆرک جمهوریتی نینگ جمهورباشلیغی ارسین تاتار، اردن ینگ پاتشاسی ایکینجی عبدالله، ونزوئلانینگ جمهورباشلیغی نیکولاس مادورو، یونان ینگ اوُزالقی باش وزیری و تأزه دموکراسی حزبی نینگ باشلیغی کیریاکوس میچوتاکیس و لیبی نینگ دولت یوُقاری گنگه شی نینگ باشلیغی خالد عمار المشری تلفن آرقالی أردوُغانی قوتلادی و سایلاوینگ نتیجه سی نینگ تۆرک حالقی اۆچین بأحبیتلی بوُلماغینی آرزوو اتدی.

ناتونینگ باشلیغی ینس استولتنبرگ ده أردوُغان بیلن تلفن آرقالی گۆررۆنگ اتدی و اوُنونگ یانگاداندان سایلانماغینی قوتلادی.

استولتنبرگ ایول آییندا ویلینیوس دا گچیریلجک ناتو ماصلاحاتیندا اوکراینا قوُلداو بریلمه گی، ناتونینگ گۆیچلندیریلمه گی و سوئدینگ ناتو قوراماسینا گیرمه گی یالی مسئله لر بارادا ایش آلینیپ باریلجاقدیغینی آیتدی.

ارمنی وقف قورامالاری نینگ بیله له شیگی نینگ باشلیغی بدروس شیرین اوُغلی دا یازماچا بیانات بیلن أردوُغان ینگ یانگاداندان سایلانماغینی قوتلادی.