أردوُغان: "سایلاودا دینگه بیز دأل، تۆرکیه، حالقیمیز و دموکراسی اۆستۆنلیک قازاندی"

تۆرکیأنینگ جمهورباشلیغی رجب طیب أردوُغان "سایلاودا دینگه بیز دأل، ایسه م تۆرکیه، حالقیمیز و دموکراسی اۆستۆنلیک قازاندی" دیدی.

أردوُغان جمهورباشلیقلیق سایلاوی ینگ ایکینجی تاپغیریندا اۆستۆنلیک قازانماغیندان سوُنگ دأپ بوُلشی یالی هر سایلاودان سوُنگ سایلاوینگ نتیجه لری حاقیندا چیقیش اتدی.

تۆک یوُلباشچی بو گِزه ک پایتاغت آنکارادا جمهورباشلیقلیق کؤشگۆنینگ بالکن‌یندا چیقیش اتدی.

سایلاودا سس برن أهلی رایاتلارا ساغ بوُلسون آیدان أردوُغان  "سایلاودا دینگه بیز دأل، ایسه م تۆرکیه، حالقیمیز و دموکراسی اۆستۆنلیک قازاندی" دیدی.

هیچ حیلی اؤیکه- کینأنینگ یوُقدیغینی آیدان أردوُغان "ایندی میللی ماقصاتلاریمیزی عامالا آشیرماق اۆچین جبیسلیک بیلن حرکت اتمه‌گینگ واغتی گلدی" دیدی.

یوُقاری سایلاو گنگه شی نینگ رسمی بوُلمان نتیجه لرینه گؤرأ أردوُغان دۆین گچیریلن سایلاودا سِسلرینگ 52.14 گؤتریمینی آلیپ یانگاداندان جمهورباشلیق بوُلدی.