أردوُغان گیره سون و اردو شهرلرینده میتینگ گچیردی

تۆرکیأنینگ جمهورباشلیغی رجب طیب أردوُغان بیر یاندان قارادنگیزده تاپیلان طبیغی گازا بگنیأندیکلرینی بیر یاندان دا گاباردا نبیت تاپیلماغی بارادا بوشلوق بیرندیکلرینی آیتدی و انرژی پوداغیندا بوشلوق برمأگه دوُوام ادیلجکدیگین بیلدیردی.

أردوُغان گیره سون و اردو شهرلرینده گچیرن میتینگلرینده انرژی نینگ أهمیتینه اۆنس چکدی.

گیره سون میتینگینده 20 ییللیق ایشلری بیلن یوردونگ اساسی قورلوشیقلارینداقی کمچیلیکلری یوُق ادندیکلرینی نیغتان أردوُغان بۆتین یاشاییجیلارینگ حق و ارکینلیک ایسله گلری نینگ یرینه یتیریلندیگینی ده سؤزلرینه قوُشدی.

قوُرانماق صناغاتیندا دا اولی اؤسۆشلر ادندیکلرینی یاتلادان أردوُغان، یرلی و میللی اوچارمانسیز اوچارلارینگ تۆرکیه ده اؤندۆریلیأندیگینی آیتدی.

2013-نجی ییلدان سوُنگرا حالقارا پول غازناسینا بوُلان برگینی بریپ بو قوراما بیلن آراقاتناشیغی دوروزاندیقلارینی آیدان أردوُغان تۆرکیأنینگ اؤزۆنه یتیأن بیر یورت بوُلاندیغینی بیلدیردی.

تۆرک یوُلباشچی "2013-نجی ییلدا مرکز بانکیمیزینگ دلار رزروی 27.5 میلیارد دلاردی، ایندی بو 115 میلیارد دلار. بو موقدار ینه یوُقارلار" دیدی.

اردو شهرینه باران رجب طیب أردوُغان تۆرکیأنینگ انرژی پوداغیندا قاراشسیز بوُلماغی نینگ أهمیتینه اۆنس چکدی.