ت. ج. گ آنادوُلو گأمیسی دنگیز گۆیچلرینه تاپشیریلدی

دۆنیأنینگ بیرینجی اوچارمانسیز یاراغلی اوچارلاری داشایان گأمیسی بوُلان ت. ج. گ آنادولو آدینداقی اوچار گؤتریجی گأمی تۆرکیأنینگ قشونی نینگ دنگیز گۆیچلرینه تاپشیریلدی.

تۆرکیأنینگ جمهورباشلیغی رجب طیب أردوُغان ایستامبول ینگ توزلا شهرینده دنگیز گۆیچلری نینگ مرکزینده گچیریلن دابارا قاتناشدی.

أردوُغان "بو گأمینی تۆرکیأنینگ عاصریندا بؤلگه سینده یوُلباشچی و دۆنیأده اؤز سؤزۆنی آیتجاق یورت یاغدایینا گتیرمه گینگ سمبلی حؤکمۆنده گؤریأریس" دیدی.

أردوُغان "ت. ج. گ آنادوُلو بیلن ایستامبول داقی سیرکه‌جأ گیدیپ گأمیمیزی حالقا آچاریس. بیز حالقیمیزینگ گأمیده گِزمه گینی آیلانماغینی و بویسانماغینی ایسله یأریس" دیدی.

2015-نجی ییلدا یاسالماغا باشلانان بو گأمی 2019-نجی ییلدا دنگیز بیلن قوُوشدورویلدی.

ت. ج. گ (تۆرکیه جمهوریتی گأمیسی) آنادُولو یاراغلی اوچارمانسیز اوچار گأمیسی 2022-نجی ییلدا دنگیزده قابول سیناغلارینا باشلادی.

دۆنیأنینگ بیرینجی یاراغلی اوچارمانسیز اوچار گؤتریجی گأمیسی بوُلان ت. ج. گ آنادوُلو اۆچین بایراقدار ت. ب. 3 اوچارمانسیز یاراغلی اوچارلار طایارلانیار.

بو گأمی بایراقدار قیزیل آلما و حرجت اوچارلاری نینگ دا مرکزی بوُلار.

231 متر اوزینلیغی و 32 متر گینگلیگی بوُلان ت. ج. گ آنادولو 94 ساواش اولغامینی ساقلاپ بیلیأر. دۆنیأده شو اوزینلیقلدا و اولولیقدا گأمأ ایه بوُلان 12 یورت بار.