أردوُغان: ایران بیلن عربیستان ینگ یاغشی قاتناشیغی منطقه دأکی یورتلار اۆچین قاوی بوُلجاقدیر

تۆرکیأنینگ جمهورباشلیغی رجب طیب أردوُغان بؤلگِه (منطقه) و دۆنیأدأکی ایلری توتولیان اوغورلار حاقیندا بیانات بردی.

کریتر آدلی ژورنالینگ سوُراغلارینا جوُغاپ برن رجب طیب أردوُغان حیتای بیلن آمریکانینگ آراسینداقی دارتغینلیغینگ هیچ کیمینگ بأحبیتینه بوُلماجاقدیغینی و تأزه بیر ساویق ساواشینگ هیچ کیمه پیدا یتیرمه جکدیگینی نیغتادی.

تۆرک یوُلباشچی آمریکا- حیتای آراسینداقی دارتغینلیقلار بیلن ایران- عربیستان آراسینداقی دیالوگ حاقیندا "حالقارا سیاسات اؤرأن آکتیو یاغدایدا و کؤپ سانلی نأبِللیلیک بار. باشدان گچیریلن کووید- 19 کِسِلی بو نأبِللیلیگی یوُقارلاتدی. سوُنگرا روسیا- اوکراینا ساواشی بیلن حالقارا سیستمدأکی اؤزگِردیلیش جدلی یوُقارلادی. گلوبال اؤلچِکده بوُلیان یاریش اولغاما تأثیر یتیریأر. ایقدیصادی، سیاسی و حاربی یاغدایلار بیری بیری بیلن ایقجام یاغدایدا باغلانشیقلی" دیدی.

حیتای بلن آمریکانینگ آراسینداقی دارتغینلیغینگ هیچ بیر تاراپینگ بأحبیدینه بوُلماجاقدیغینا اۆنس چکن أردوُغان، ایران بیلن سعودی عربیستان ینگ مذاکره آرقالی قاتناشیقلاری عاداتی یاغدایا گتیرمه گی نینگ یاقین گۆن دوُغار منطقه سینده دوُوام ادیأن عاداتی قاتناشیقلار اتابینا یاغشی قوُشانت قوُشجاقدیغینی آیتدی.

أردوُغان تۆرکیأنینگ داشاری سیاساتی حاقدا دا "ماقصادیمیز تۆرکیأنینگ گلوبال یاغدایینی گۆیچلندیرمه کدیر" دیدی.

سوریه ده ترورچیلیق مسئله سی یوُق ادیلینچأ گؤره شه دوُوام ادیلجکدیگینی یاتلادان تۆرکیأنینگ جمهورباشلیغی "سیاسی چؤزگۆت، ترور بیلن گؤره ش و بوُسغونلارینگ یوردونا قایتاریلماغی مسئله لرینه بیله لیکده قارالمالیدیر. تأزه دؤوۆرده بو مسئله لر حاقدا اؤرأن أهمیتلی ایشلر آلیپ باراریس" دیدی.