أردوُغان بیرینجی آغزآچاردا قاهرامان ماراش دا بوُلدی

تۆرکیأنینگ جمهورباشلیغی رجب طیب أردوُغان شو اوُرازا آیی نینگ بیرینجی گۆنۆنده یر تیتره مه سیندن ضلل گؤرِن قاهرامان ماراش شهرینده آغزینی آچدی.

تۆرک یوُلباشچی شو ییلقی رمضان شریف ینگ یر تیتره مه سی سبأپلی آرادان چیقانلارینگ یۆره‌ک یاقیان دؤورۆنده بوروق باشلاندیغینی یاتلاتدی و یر چایقانماسیندا آرادان چیقانلارا الله دان رحمت، قارینداشلارینا صابیر و یارالانانلارا بجرگی و شیپا ایسله‌دی.

أردوُغان 14 میلیون یورتداشینگ یاشاییشینا اولی ضلل برن شیله بیر بدباغتچیلیغا قارشی نیره ده بوُلسا دا هیچ کیمینگ گؤزۆنی یوموپ بیلمه‌جکدیگینی نیغتادی و "یر تیتره مه سینده ضلل گؤرِنلرینگ یالنگیز دألدیگینی بیلدیرمه لی و اوُلارا بوُلان جوُغاپکأرچیلیگیمیزی و دوُغانلیق وظیپأمیزی یرینه یتیرمه لیدیرس" دیدی.

رجب طیب أردوُغان تۆرکیأنینگ ترورچیلیق بیلن گؤره‌شینه ده اۆنس چکدی و "سوُنگقی ترورچی دا یوردومیز و میللتیمیز اۆچین حوُوپ آباندیرماقدان چیقینچا حاربی حرکتلریمیز یوردونگ ایچرسینده و داشارسیندا دوُوام اتجکدیر. ترورچیلیغی ینگمه‌ک بیلن قالمان، شوُل پِس‌پأللره قوُلداو برن، آرقاسینی سیپایان و اوُلارا یاراغ بریأنلرینگ ده اوُیونینی پوجا چیقاراریس" دیدی.