تۆرکیه ده "عاصرینگ آغزی‌بیرلیگی" کمپینی باشلادی

تۆرکیأنینگ جمهورباشلیقلیغی نینگ آراقاتناشیق اداراسی، 6-نجی فوال دا قاهرامان ماراش دا بوُلان و 11 ولایاتا ضلل برن یر تیتره مه سیندن سوُنگرا جبیسلیگه اۆنس چکمه ک اۆچین "عاصرینگ آغزی‌بیرلیگی کمپینینی" باشلاتدی.

"بیله‌لیکده تۆرکیه دیرس" شیغاری بیلن باشلادیلان کمپین ده یر تیتره مه سیندن ضلل گؤرِنلرینگ یارالارینی درمان اتمه ک اۆچین ادیلیأن گؤره ش و آلیپ باریلیان ایشلره اۆنس چکیلیأر، عاصرینگ بدباغتچیلیغینا قارشی دولتینگ و میللتینگ بیله لیکده آلیپ باران ایشی نینگ أهمیتی گؤرکِزیلیأر.

بو کمپین ده یر تیتره مه سی نینگ اولولیغی و گۆیجی، بارلاغ حالاص ادیش ایشلری، کؤمِک ایشلری، دؤولتینگ و جمغیتچیلیکلرینگ و میله‌تینلرینگ تاغاللالاری گؤرکِزیلیأر.

آراقاتناشیق اداراسی نینگ باشلیغی فخرالدین آلتون، 6-نجی فورال دا 14 میلیون آداما گؤنی تأثیر یتیرن قاهرامان ماراش داقی یر تیتره مه سی نینگ اولی ضلل برندیگینی آیتدی.

عاصرینگ بدباغتچیلیغی نینگ بوُلان واغتیندان باشلاپ دؤولت و میللتینگ بیله لیکده حرکت ادندیگینه اۆنس چکن آلتون شیله بیلدیردی:

"تۆرکیأنینگ جمهورباشلیغی رجب طیب أردوُغان ینگ یوُلباشچیلیغیندا بۆتین قورامالاریمیز، بارلاغ حالاص ادیش و کؤمِک توُپارلاریمیز ضلل گؤرِن یرلره باردی. دوُغانلاریمیزینگ اولی یاسلارینی آزالتماق، یارالارینا اِم بوُلماق و بو طبیغی بدباغتچیلیغینگ نتیجه لری بیلن باتیرغای گؤره شمه ک ماقصادی بیلن دؤولتیمیز و میللتیمیز بۆتین دۆنیأ گؤره‌لده بوُلان عاصرینگ آغزی بیرلیگینی گؤرکِزدی. بو آغزی بیرلیک روحی بیلن موندان دا کؤپ گۆیچلِه‌نرس. بیز تۆرکیأنینگ بو قین گۆنلری گچیریپ، یارالارینی درمان اتمه ک یورتداشلاریمیزی چالت یاغدایدا اؤیلرینه قوُوشورماق و ولایاتلاری یانگاداندان دیکه‌لتمِه‌ک و قورماق اۆچین گیجه گۆندیز ایش آلیپ باراریس"